Foz, 29 de outubro de 2015.- Un ano máis o Observatorio da Mariña pola Igualdade aposta polo cinema como medio para coñecer e afondar na realidade de mulleres doutros lugares máis ou menos afastados de Galiza. Para o VII edición do video-fórum «Mulleres no Mundo» o Observatorio da Mariña Pola Igualdade contará, como nas edicións anteriores, coa colaboración da UNED e de Radiofoz. Ao remate desta edición serán máis de 30 as películas proxectadas ao longo de toda a historia do evento. A través delas, o público puido achegarse ao cine de Israel, Afganistán, Irán, Francia, India, Líbano, Serbia, Senegal, Ecuador, EE.UU, Arxentina, Perú, Bosnia Herzegobina, Canadá, Suíza, Arabia Saudita, España… Cinema dirixido na súa maioría por mulleres, recoñecido e premiado e que, aínda así, non chega moitas veces ás carteleiras das salas da Mariña nin das cidades galegas.
Este VII Video-fórum «Mulleres no Mundo» que organiza o Observatorio aposta polo cinema dirixido por mulleres. Por tanto, nesta edición 3 das 4 cintas son asinadas por directoras, sendo a 4ª co-dirixida por unha muller e un home. Ao igual que nas últimas edicións, continúa o formato do café-debate. O Observatorio repartirá gratuitamente cafés e pastas ás persoas asistentes para axudar a crear un clima distendido no debate posterior ás proxeccións.
O VII Vídeo-Forum «Mulleres no Mundo» desenvolverase no salón de actos da UNED de Foz durante catro xoves consecutivos, a partir do 5 de novembro, en horario de 19 a 21 horas. Poderán asistir todas as persoas que o desexen, estándose a tramitar a concesión de créditos de libre configuración ás persoas participantes. O prazo de inscrición xa está aberto, de modo que quen desexe anotarse na actividade, totalmente gratuíta, poderá facelo póndose en contacto coa UNED de Foz, ben escribindo un correo electrónico a foz@lugo.uned.es, chamando por teléfono ao 982133699 ou ben de forma presencial, acudindo ás aulas da universidade en Foz (Rúa Castelao, s/n).
Como en edicións previas, as sesións do VII Video-Fórum estarán guiadas por socias do Observatorio da Mariña pola Igualdade. A metodoloxía a seguir consiste en realizar unha breve presentación e contextualización do filme para, a continuación, realizar o pase da película que corresponda a cada día:
● 5 de novembro: XXY: Dirección de Lucía Puenzo. Arxentina.
● 12 de novembro: Gett: el divorcio de Viviane Amsalem. Dirección de Ronit e Shlomi Elkabetz.Israel.
● 19 de novembro: A cicatriz branca. Dirección de Margarita Ledo. Galiza.
● 26 de novembro: Hysteria. Dirección de Tanya Wexler. Reino Unido
Ao finalizar, realizarase un debate e reflexión posterior sobre diferentes aspectos abordados en cada filme. Haberá unha monitora a conducir as reflexións do grupo, tratando de que se manteña sempre unha metodoloxía participativa e aberta.
O principal obxectivo que persegue o Observatorio da Mariña pola Igualdade con esta iniciativa é a de darlle a coñecer á cidadanía galega, homes e mulleres, as realidades vitais de mulleres moi diversas. Deste xeito, pretendemos destacar, por un lado, que a discriminación de xénero é unha cuestión universal que afecta a todas as mulleres do mundo, aínda que adquire unhas materialización diferentes en función das continxencias que definen cada sociedade e cultura. E polo outro, que non hai un único xeito de “ser muller” nin unha esencia feminina, senón que a pluralidade de experiencias vitais e de desexos das mulleres obríganos a ter sempre en conta a enorme diversidade de mulleres. Alén disto, desde o Observatorio preténdese tamén contribuír a pór en valor as achegas das mulleres aos distintos eidos do saber, destacando neste caso o traballo das directoras de cinema.
Máis información en:
http://unedaulafoz.blogspot.com
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
