Ribadeo, 13 de outubro de 2015.- A Asociación de Profesores de Automoción de Galicia (Apaga) continúa coas visitas programadas nos intercambios europeos con centros educativos da República Checa, en virtude do cal un grupo de nove directores docentes checos coñece na Mariña experiencias de institutos e empresas.
Este martes a xornada comezou ás 8:30 horas coa visita ao IES María Sarmiento de Viveiro e ás 11 horas ao IES Perdouro de Burela. Ás 13 horas os profesores checos, acompañados dos membros de Apaga, visitaron o IES de Foz. A comida realizouse no restaurante do FP de Hostalaría.
Pola tarde, as visitas programadas son ao IES Gamallo Fierros de Ribadeo, ás 17 horas; á Escola de Idiomas de Ribadeo, prevista para as 18 horas, e á Escola Agraria Pedro Murias, ás 19 horas.
Ás 21 horas os docentes visitantes participarán nun percorrido polo casco antigo de Ribadeo.
A xornada deste mércores inclúe unha visita ás 10 horas da mañá á Arcelormittal, en Avilés, cara onde está prevista a saída ás 7:30 horas. Ao mediodía, o grupo coñecerá o centro integrado de formación profesional Avilés. Ás 18 horas, xa de volta en Galicia, os docentes gozarán dun paseo en barca pola ría de Ribadeo para, a partir das 21 horas, despedirse da Mariña cunha cea no Hotel O Cabazo.
Esta é a primeira vez que Apaga é socio de acollida nun proxecto europeo, aínda que si participou como visitante en centros de ensino e empresas de Alemaña, Italia e República Checa.
Na categoría ata 8 anos: 1º Paula Martínez, 6 anos. 2º Samuel Riera, 7 anos. 3º Valentina Blanco (5 anos) e Iara Pruneda (7 anos). Empate. Na categoría de 9 a 11 anos: 1º Lily Fernández, 9 anos. 2º Lily Fernández, 9 anos. Na categoría de 12 a 16 anos: 1º Iria Baltar, 12 anos.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
