A dirección da ED Burela FS reunirase cos pais/nais do alumnado o vindeiro mércores, 28 de outubro (de 16.00 a 17.00 horas), na Aula de Usos Múltiples do IES Monte Castelo, para explicarlles a programación do curso 2015-16 nas categorías de Iniciación, Prebenxamín, Benxamín, Alevín e Infantil.
ÚLTIMA HORA
- O BNG de Ribadeo propón a creación dunha sala de estudo no edificio da biblioteca municipal
- “O impulso do noso grupo contribúe ao desbloqueo do convenio de estradas tras 18 anos de parálise”, afirma o PSdeG-PSOE de Xove
- Inaugurada en Ribadeo a exposición «Nós tamén fomos emigrantes»
- A vindeira semana o mercado de Foz será o venres en vez de o martes, debido ás festas do Carme
- Alumnado do certificado profesional de dinamización de actividades de tempo libre educativo infantil e xuvenil (monitor de tempo libre) aproveitan a formación teórico - práctica para interacturar cos nenos da Escola de Minitalentos de Academia A Mariña
O alumnado pertence aos cursos subvencionados pola Xunta de Galicia, que se imparten en Academia A Mariña, “ao finalizar a formación conseguirán a titulación oficial”, explica Becky Hermida, directora de Academia A Mariña. - Deu comezo o I Campus de Verán de Natación na piscina municipal de Cervo
Ata o 12 de xullo, mozos e mozas poderán gozar, aprender e mellorar a súa técnica nun ambiente divertido e seguro. Está organizado pola FEGAN (Federación Galega de Natación) en colaboración co Concello de Cervo, este campus aposta polo deporte e a formación. - A décimo segunda edición da Festa do Percebe de Xove terá lugar o sábado, 19 de xullo, na praza do Centro Cívico
Este luns tivo lugar a presentación do cartaz. Estiveron presentes os organizadores, membros da Asociación de Festexos A Medorra (Jordi Meitín, Julio Lamelas e Borja Cociña) acompañados da Primeira Tenente de Alcalde Mª Dolores Meitín. Ás 12 da mañá dará comezo a festa co pregón a cargo de Basilio Otero, presidente da Federación Nacional de Cofradías de Pescadores. A xornada gastronómica estará amenizada por “Os Charangos de Neda” e polos cantos de taberna de “Espera que vou mexar”. - Comezaron as clases de Ioga en Enredando no Verán
As crianzas gozaron dunha primeira sesión chea de movemento, relaxación e diversión na Casa do Mar en San Cibrao, un espazo para coidar o corpo e a mente mentres se pasa un bo rato coas amigas e amigos - Este sábado celebrouse en Oviedo o exame do Tribunal Nacional de Graos organizado pola FAKYDA
O Club Shitokai Galicia A Mariña presentou a catro aspirantes que resultaron aprobados: Carlos Fernández e Elena Dovale: 2º Dan (coa inestimable colaboración de Alejandra Gómez nos traballos técnicos por parellas). Gael Álvarez e Cristian Rancaño: Cinto Negro. Con estes resultados alcanzaron xa a cifra de 160 Cintos Negros Oficiais RFEK recoñecidos por CSD. A destacar o magnífico traballo realizado por todos os aspirantes. - Este sábado celebrouse en Cervo un Curso internacional de Artes Marciais tradicionais xaponesas da liña Yoseikan, a cargo dos Mestres Edgar Kruyning e Jan janssens, sendo dos maiores expoñentes a nivel mundial
No curso traballáronse técnicas antigas de Ju Jutsu e Aiki Jujutsu. Desprazáronse profesores e alumnos avanzados de diferentes recunchos de España, así como de Portugal, Ucrania, Países Baixos, Suecia e Bélxica. A alcaldesa, Dolores García Caramés, quixo achegarse ata o pavillón do CEIP Península da Paz para saudar ás persoas asistentes e felicitou unha vez máis a Miguel Ángel Rojo por volver poñer a Cervo no mapa a nivel Europeo en canto a seminarios de artes marciais do máximo nivel. - Un motorista perdeu a vida ao colidir contra un coche en Ortigueira
Nada se puido facer por salvarlle a vida. O 112 Galicia foi coñecedor deste suceso uns vinte minutos antes das 14:00 horas deste domingo, momento no que un coche e unha moto colidiron, co motorista inconsciente logo do impacto. Desde o CIAE 112 Galicia solicitouse a intervención do Servizo de Urxencias Sanitarias de Galicia-061, do GES de Ortigueira, da Garda Civil de Tráfico e da Policía Local. Os medios acudiron ata o punto, no quilómetro 49 da AC-862, pero só puideron confirmar o falecemento do motorista.
2021 Crónica 3 A Mariña - Implementado por GaliciaDigital