Ribadeo, 2 de outubro de 2015.- O concelleiro de Cultura, Farruco Graña, presentou este venres ó mediodía a axenda cultural para o último trimestre deste ano, que inclúe teatro, concertos, exposicións e actividades para o público infantil. O ciclo Músicas Posíbeis traerá a Ribadeo a Caxade, Dora de Maríns e Pres de Cambral e haberá teatro nas parroquias en Piñeiro, Ove e Santalla, entre outras moitas citas.
O edil nacionalista subliñou que “vai ser un trimestre con moita actividade, como caracteriza a Ribadeo, destinada a que as xentes que vivimos a longo de todo o ano aquí poidamos seguir gozando da actividade cultural: teatro, música, exposicións, … Seguirá habendo tamén presentacións de libros, que levarán a cabo diferentes asociacións, que xa por elas mesmas na súa propia dinámica seguirán coa súa actividade”.
Graña dixo que “con esta programación pretendemos que tanto a xente que vivimos en Ribadeo poidamos asistir a actos culturais como tamén os que nos visiten, ben de fin de semana ou incluso xente que faga turismo de inverno, vexa que en Ribadeo, aparte de ver boas paisaxes, tamén segue habendo unha importante actividade cultural coa que formarnos e sentirnos cidadáns dun país libre e que non esquece o obxectivo fundamental da formación como persoas”.
A programación cultural arrinca este domingo, 4 de outubro, con teatro e coa representación de Cyrano a cargo de Teatro Galileo, a partir das 20:30 horas no auditorio municipal. Haberá teatro nas parroquias, Peter Punk chegará en novembro a Piñeiro, Ove e Santalla e en decembro a Couxela e a Vilaframil. En novembro terá lugar a XII Mostra de teatro afeccionado Daniel Cortezón, do 27 ao 29.
A música tamén estará moi presente na axenda cultural de Ribadeo. O ciclo Músicas Posíbeis traerá a Ribadeo o 18 de outubro a Caxade; o 24 de outubro a Dora de Marins; e 15 de novembro a Pres de Cambral. A Coral Polifónica de Ribadeo, a Banda Municipal de Música e a Escola Municipal de Música e Danza ofrecerán varios concertos durante este trimestre, como os de Santa Cilla, o festival de panxoliñas, o festival de Nadal e Aquí como en Viena.
Non faltarán exposicións de pintura e actividades para o público infantil, que gozará de Elefante Elegante o 24 de outubro na biblioteca municipal; da exposición Letras Terroríficas o 29 de outubro e o 6 de novembro tamén na biblioteca. Rosa Caramelo, O Último Dragón ou Os Tres Porquiños son outros dos espectáculos que poderán ver os máis pequenos en Ribadeo, sen esquecerse do obradoiro de cabazas do 30 de outubro, do certame de poesía de Nadal 2015 e da cabalgata de reis do 5 de xaneiro.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
