A Deputada de Medio Ambiente, Sonsoles López Izquierdo, e o Catedrático da Universidade de Santiago de Compostela (USC) e Membro da Real Academia de Ciencias, Antonio Rigueiro, presentaron este luns a 26º edición do ciclo de conferencias Dr. Luís Asorey García, que organiza a Real Academia en colaboración coa institución provincial e USC. Nesta edición, o tema central das 7 charlas e conferencias, que terán lugar no Salón de Actos da Deputación entre os días 16 e 25 de novembro, versará sobre a biomasa forestal e bioenerxía en Galicia.
Sonsoles López Izquierdo salientou que o organismo provincial colabora con esta iniciativa que se leva celebrando dende 1985 porque “afonda en aspectos moi interesantes para o desenvolvemento da nosa provincia, como é o aproveitamento da biomasa como fonte de enerxía limpa e que servirá para impulsar o desenrolo económico deste sector forestal, así como dos secundarios”. Nesta liña López Izquierdo destacou que “a biomasa é un combustible renovable e que produce enerxía limpa e y segura; que diminúe as emisións que contribúen a crear efecto invernadoiro; evita a dependencia enerxética dos combustibles fósiles e é unha forma clara de reciclaxe e xestión de residuos”.
López destacou que “ca grave problemática que temos non só na provincia, senón no país, cos incendios forestais a xestión da biomasa axudará a limpar os nosos montes, evitando así a proliferación de lumes”. A Deputada tamén quixo establecer a bioenerxía como “un dos posibles camiños de futuro para xerar riqueza e emprego, impulsando un tecido empresarial estable en sectores como o forestal, máis tamén no enerxético e no agrícola”.
Pola súa banda, Antonio Rigueiro, agradeceu a colaboración da Deputación e o compromiso que ten o organismo provincial coa Real Academia de Ciencias na organización deste ciclo de conferencias, que “axudarán a favorecer o desenvolver de xeito sostible do patrimonio natural do país”.
O prazo de inscrición está aberto. Os interesados en participar no ciclo de conferencias Luís Asorey que terá lugar no Salón de Actos da Deputación, deberán cubrir e presentar no Rexistro Xeral o formulario que alí se encontra.
Programación gratuíta
O Ciclo de Conferencias Luís Asorey, adicado á memoria deste prestixioso médico que desenvolveu a súa actividade profesional durante gran parte da súa vida en Lugo, versará nesta ocasión sobre a biomasa forestal e bioenerxía en Galicia. As xornadas informativas, completamente gratuítas para os participantes, terán lugar entre o 16 e 19 e 23 e 25 de novembro no Salón de Actos da Deputación, todas en horario 19:00 a 21:00 horas.
Luns, 16 de novembro
Biomasa forestal residual en Galicia, a cargo de D. Antonio Rigueiro Rodríguez; Enxeñeiro de Montes e Catedrático do Departamento de Produción Vexetal da Universidade de Santiago de Compostela.
Martes, 17 de novembro
Sector da Biomasa como oportunidade económica e medioambiental: A estratexia de impulso 2014-2020, a cargo do Enxeñeiro Técnico Industrial e Licenciado en Máquinas Navais e Máster en Enxeñería Mecánica; D. Emérito Freire Sambade
Mércores, 18 de novembro
Uso Enerxético da Biomasa: Exemplos en Galicia, a cargo do Enxeñeiro de Montes e Director da Asociación Forestal de Galicia, D. Francisco Dans del Valle.
Xoves,19 de novembro
Biocombustibles Sólidos, a cargo do Catedrático da área de Enxeñaría Agroforestal do Departamento de Enxeñería dos Recursos Naturais e Medio Ambiente da Uvigo; D. Luís Ortiz Torres.
Luns, 23 de novembro
Instalacións de Uso Térmico doméstico e en Edificios Públicos, a cargo do Enxeñeiro Técnico Industrial e Presidente de ISEMPA e BIOPALAS, D. José Otero Gavieiro.
Martes, 24 de novembro
Xestión forestal e produción de biomasa, a cargo do Enxeñeiro de Montes, e Caterético do Departamento de Produción Vexetal da USC, D. Roque Julio Rodríguez Soalleiro.
Mércores, 25 de novembro
Biocombustibles líquidos e gasosos a partir de biomasa, o Dr. En Ciencias Químicas e Profesor Ad-Honorem do Departamento de Enerxía Química da USC.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
