28 de novembro de 2015.- A Xunta Directiva da Asociación Cerqueiros Galegos mantivo este sábado unha reunión co Secretario Xeral de Pesca, Andrés Hermida.
No encontro, solicitado por Cerqueiros Galegos, expúxoselle ao Secretario Xeral de Pesca unha serie de consideracións sobre o sistema de reparto de cotas vigente, así como propostas que, flexibilizando o actual, permitirían que as distintas unidades optimizasen a súa xestión e aproveitasen os recursos de forma que aquel barco que polo seu sistema de traballo necesite máis dunha especie que doutra poida realizar intercambios das mesmas; ou que se lle poida ceder cota a unha unidade determinada; ou que si a flota dunha Comunidade Autónoma chegado un momento do ano non consumiu a súa cota, poida intercambiar ou ceder coa flota doutra Comunidade.
Todo iso realizado desde a perspectiva dunha xestión profesionalizada, na que cada armador poida dispoñer libremente da súa cota, segundo considere conveniente, de forma que a posibilidade de decidir entre consumila, cedela ou intercambiala permítanos optimizar os recursos e faenar rendibilizando cada unidade.