Santiago, 20 de novembro de 2015.- A Consellería de Medio Ambiente e Ordenación do Territorio vén de entregar aos Concello de Lourenzá as obras de saneamento do núcleo rural de Requeixo. Así llo trasladou Augas de Galicia á administración local, que a partir de agora se encargará do mantemento e conservación desta nova infraestrutura hidráulica que implicou un investimento de máis de 300.000 euros.
Tal e como se comprometera a Xunta de Galicia ao inicio das obras, estas remataron este mesmo ano, polo que deron resposta á situación na que se atopaba este núcleo rural deste concello da Mariña luguesa, que contaba cun sistema de saneamento que consistía en fosas sépticas individuais.
O núcleo de Requeixo é unha zona residencial vinculada principalmente á actividade agrícola, polo que se formulou un sistema de saneamento similar ao que existe nos núcleos de Santo Tomé e San Adriano, que teñen a súa rede conectada á depuradora de Santo Tomé.
As obras consistiron no deseño dunha rede de saneamento de tipo separativo que recolle as augas residuais do núcleo de Requeixo. Está composta por un total de nove colectores que conectan coa Edar grazas a unha infraestrutura de tubaxes de case tres quilómetros de lonxitude (2.966 metros). Ao longo do trazado foi preciso realizar senllos cruzamentos nas estradas LU-P-2802 e LU-122 mediante perforacións horizontais encamisadas. Este proxecto de saneamento tamén prevía a reposición dos servizos e pavimentos afectados polas obras.
Con esta actuación en materia hidráulica buscábase eliminar as insalubres e contaminantes fosas sépticas que empregaban os habitantes do núcleo de Requeixo.
Dende Augas de Galicia destácase que este tipo de proxectos melloran a calidade de vida e o contorno dos habitantes do núcleo de Requeixo, dotándoos dun sistema de saneamento axeitado; ao tempo que se eliminan as fosas sépticas, que constitúen focos contaminantes, polo que se mellorará considerablemente a calidade ambiental da zona.
Con esta actuación tamén se optimizaron as infraestruturas existentes, xa que a EDAR de Santo Tomé pasará a depurar as augas dos tres núcleos, Requeixo, Santo Tomé e San Adriano.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
