Barreiros, 20 de novembro de 2015. O Concello de Barreiros dispón, desde este venres, dun renovado espazo web (www.concellodebarreiros.com) con contidos e funcións de interese tanto para veciñas e veciños como para visitantes. Así o anunciou o propio alcalde, Alfonso Fuente, que afirmou que “esperamos que o novo portal web municipal do Concello de Barreiros sirva de axuda no día a día dos habitantes da nosa localidade e vaia no camiño de mellorar a promoción das bondades do noso municipio, que son moitas”.
Trátase dunha web moderna, deseñada para a súa correcta visualización en toda clase de dispositivos, dispoñible en galego e castelán, e que ofrece unha ampla información organizada en distintos apartados.
No primeiro deles, denominado Concello, ademais da benvida do alcalde, accédese a datos sobre a corporación municipal, orzamentos, contratación, ordenanzas; así como ó directorio, o taboleiro de anuncios, o apartado de noticias e a axenda. Estes dous últimos estarán en constante actualización para que se coñezan os últimos acontecementos no municipio e as vindeiras ofertas e actividades.
O segundo apartado recolle información sobre as instalacións das que dispón o Concello e de todos os servizos que ofrece, entre os que se inclúe o aviso de incidencias e a caixa de suxestións; mentres que o terceiro bloque reúne datos sobre a historia do municipio, as súas parroquias, así como mapas, teléfonos de interese e un subapartado de mobilidade e transporte.
Ademais, hai unha parte específica sobre turismo, no que se atopa información detallada sobre as praias, a montaña, as rutas de sendeirismo, o Camiño Norte de Santiago, gastronomía, patrimonio e festas, coa súa correspondente galería de imaxes, e no que se explica como chegar ó municipio, con distintos mapas e indicacións e con enlaces ós medios de transporte público que pasan por Barreiros.
Neste sentido, o rexedor barreirense explicou que “a mellor forma de coñecer este renovado portal web é entrando nel, para descubrir todo o contido que recolle, contido que combina tanto información escrita como gráfica, polo que se fai máis atractivo”.
“Grazas a este novo espazo dixital o Concello está a un só click de veciñ@s e visitantes, xa que nel se poden consultar horarios nos que están abertas todas as instalacións, as taxas dalgúns servizos, e incluso descargar directamente a documentación para facer uso dos servizos que se ofrecen desde o Concello”, concluíu Alfonso Fuente.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
