Este vinte de novembro estivemos no Parlamento de Galicia e falamos cos grupos da oposición parlamentar; con Nieves Villar e co seu fillo Hadrián, e cos representantes desta confederación estiveron os deputados do grupo mixto, do BNG, PSG e AGE.
Principiou falando Nieves das razóns que nos movían a todas para estarmos dun lado para outro esixindo o que é de lei: unha nova regulación da atención educativa domiciliaria que fixe dereitos e obrigas para a administración, e que estableza nun mínimo de 12,5 horas semanais de atención na casa para os nenos ou nenas que se vexan na situación do non poder asistir ás clases ordinarias durante un período prolongado; e que non sexa unha simple declaración de intencións, porque as declaracións de intencións, como as que agora mesmo existen con rango de Decreto, só serven para incumprilas, máis aínda cando o goberno que as tería que aplicar está seguido a recortar os dereitos educativos de toda a mocidade galega, moi nomeadamente aos que entran no catálogo de necesidades educativas especiais, tal e como é o caso das ausencias por longa enfermidade.
Logo falamos nós, incidindo nos mesmos aspectos que levamos xa meses dicindo en público, isto é, que é necesario:
• Establecer un procedemento que vincule a diagnose da enfermidade co inicio das actuacións educativas, sen que a familia teña que ter a máis mínima iniciativa.
• Dispor dunhas escolas hospitalarias ben dotadas e con capacidade de absorción de todos os casos que aparezan.
• Ter un corpo de profesores-as que dispoñan da formación específica necesaria, non só académica, que poidan cubrir estas necesidades.
• Organizar un sistema de comunicación entre o alumno na casa, o profesor hospitalario ou domiciliario, a familia, e o titor dese alumno-a para que ese período no que o neno-a permaneza separado dos seus compañeiros non se converta nunha fase de illamento, senón que se potencie a relación cos seus compañeiros e se garanta a facilidade da súa reincorporación á vida académica cotiá.
• Atender ao presente, porque agora mesmo hai moitos nenos que precisan unha atención que non teñen; e simultaneamente traballar para o futuro, convocando mesas de traballo nas que as persoas, profesores e alumnos, que teñen a experiencia destes anos teñan a posibilidade de entregar eses coñecementos adquiridos, e dar entrada nesas mesas a especialistas da sanidade, da pedagoxía e da psicoloxía, xunto coas familias.
• Abrir o debate á sociedade, para que tamén serva de xeito de concienciación sobre toda a diversidade, e sobre a necesidade urxente que temos de atendela e incluíla.
Estivemos de acordo, todos os grupos da oposición parlamentar explicitaron o seu apoio a esta iniciativa, solicitaron de nós que lles enviaramos unha proposta elaborada, e comprometémonos a facelo no prazo máis breve posible.
Logo demos entrada á prensa, un gran número neste caso; volvemos a explicar o noso ideario e atendemos ás súas preguntas.
Temos que dicir que cada vez que falamos coa prensa sorprendémonos do descoñecemento que existe desta circunstancia e da inexistencia de solucións administrativas á mesma. As preguntas que se nos fan en xeral, e as reflexións que algún xornalista realiza, deixan ben as claras que estamos acertando de cheo na reivindicación da cobertura destas necesidades educativas, porque a desatención pública e mesmo social que teñen as familias que se ven nesta situación é absoluta.
Durante a rolda de prensa, unha Nieves moi claramente reivindicativa anunciou que ela non pensa asistir á reunión do grupo popular do parlamento, que terá lugar o próximo luns ás 12:00, porque considera que se o conselleiro que este grupo soporta politicamente non a recibe, ela tampouco ten porque recibilos a eles.
Os representantes desta confederación, mantendo sempre unha postura institucional, estaremos o luns no parlamento e falaremos con este grupo, pero iso contarémosvolo cando vaiamos.
E aproveitando que viña Hadrián, o voceiro de educación do BNG tivo o amable xesto de facerlle unha pequena visita guiada polo edificio e polas súas salas, que non é algo que se vexa todos os días, e que o rapaz agradeceu, sobre todo porque os seus compañeiros xa viñeran a velo recentemente e el non puidera acompañalos.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
