Lugo, 13 de novembro de 2015.- O portavoz do Grupo Popular no Senado e Presidente do PP de Lugo, José Manuel Barreiro asegurou que “os autónomos e os emprendedores foron claves na recuperación económica e o Goberno de Mariano Rajoy estivo ao seu lado, apoiándoos con medidas concretas que permitiron facilitar a súa actividade”. Barreiro fixo estas declaracións tras reunirse coa ACIA, a Asociación de Comerciantes, Industriais e Autónomos de Foz.
O portavoz do PP no Senado recordou que co PSOE os autónomos “quedaron á súa sorte na peor etapa da crise”. Entre 2008 e 2011 déronse de baixa do réxime de autónomos máis de 340.000 persoas e destruíronse 177.000 empresas, a maioría pymes. “Con todo, as políticas impulsadas por Mariano Rajoy permitiron que hoxe teñamos 96.113 autónomos máis que ao comezo da lexislatura”, subliñou José Manuel Barreiro. “Nestes catro anos -continuou- os autónomos crearon 238.000 empregos netos”.
A continuación Barreiro explicou as medidas que permitiron facer efectivo este cambio, entre as que destacou a Lei de Emprendedores, a Segunda Oportunidade e o Plan de Pago a Proveedores.
“O Plan de Pago a Proveedores salvou da bancarrota a moitos autónomos e permitiu manter máis de 400.000 postos de traballo”, sinalou o líder do PP de Lugo. Por outra banda, a través da Lei de Emprendedores e a Segunda Oportunidade, o Goberno estableceu un novo marco económico con vantaxes fiscais e axudas ao financiamento que facilitaron a súa actividade económica.
Maior flexibilidade para autónomos e emprendedores
Neste sentido, o dirixente popular destacou a tarifa plana de 50 euros para os novos emprendedores e a posibilidade de capitalizar o 100% de paro nun único pago ou utilizar unha parte para iniciar a súa actividade. Ademais, coa segunda oportunidade increméntase a súa protección xa que poderán recuperar a prestación por desemprego ata 5 anos despois de iniciar a súa actividade emprendedora.
José Manuel Barreiro explicou que tamén se mellorou a conciliación xa que os autónomos dependentes poderán contratar a unha persoa en caso de conciliación por baixa maternal, coidado de fillos ou persoas dependentes. Ademais, a contratación de familiares colaboradores seguirá tendo unha bonificación do 50% durante os 18 primeiros meses.
Barreiro destacou que as medidas que adoptou o Goberno están destinadas “a beneficiar aos que máis o necesitan” e puxo como exemplo a extensión da tarifa plana de 50 euros ás vítimas de terrorismo e de violencia de xénero e a ampliación dos incentivos para discapacitados e o incremento da protección xurídica aos traballadores autónomos económicamente dependentes.
Así mesmo, o presidente do PP de Lugo puxo de relevo os incentivos do Goberno á creación de emprego estable, co contrato indefinido de apoio aos emprendedores ou a tarifa plana de 100 euros á contratación indefinida, á que se acolleron máis de 180.000 persoas. “Se seguimos este rumbo haberá cada ano máis de 100.000 novos autónomos, superando os 3,6 millóns en 2019”, matizou José Manuel Barreiro.
Apoio ao comercio minorista
Barreiro recordou que o Goberno tamén puxo en marcha medidas de apoio “destinadas ao crecemento e mellora da competitividade do comercio minorista”, que abarca máis de 500.000 empresas no noso país e supón máis dun 5% do PIB. Entre elas o dirixente popular destacou a creación da licenza exprés para a apertura de novos establecementos e as liñas ICO para dotalos de maior liquidez. “Grazas a estas medidas e ao esforzo dos comerciantes e emprendedores hoxe a actividade comercial crece en España ao 4,6% e o emprego no sector do comercio minorista encadea 16 meses de subidas”, concluíu o presidente dos populares lucenses.
A Asociación de Comerciantes de Foz
A Asociación de Comerciantes, Industriais e Autónomos de Foz foi constituída en 1988 para impulsar a actividade empresarial na Mariña, especialmente a relacionada co pequeno comercio. Na actualidade forma parte da Federación Galega de Comercio e ten como finalidade converter esta comarca lucense nun referente para os autónomos e emprendedores que queiran desenvolver a súa actividade e un punto de encontro para os potenciais compradores.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
