Bruxelas, 9 de novembro de 2015.- O 23 de outubro de 2014 unha mobilización estudantil protestou contra a presenza de Alberto Núñez Feijoo nun ciclo de conferencias na Universidade de Santiago de Compostela. Días despois, tres rapaces eran detidos a través dun operativo totalmente desproporcionado e criminalizador. Así pretende intimidar o Goberno Feijoo a aquelas persoas que loitan e defenden os dereitos humanos e sociais. Aliás, a Fiscalía, en nome do Goberno do PP, solicita no xuízo que terá lugar mañá tres anos de cadea para cada un, máis mesmo que a acusación particular, unha actitude que marca claramente o interese do Estado neste proceso que pretende sexa exemplificante .
“Non cabe dúbida de que o xuízo a Aarom, Atanes e Mario é unha tentativa do Partido Popular de intimidar ao estudantado”, valorou a eurodeputada galega. Unha actitude totalmente asoballante e vergoñenta contra un colectivo, o estudantil, que está claramente identificado como unha das principais vítimas dos ataques neoliberais aos dereitos humanos e sociais perpetrados ao abeiro desta suposta crise económica que en realidade é unha estafa bancaria auspiciada polos Gobernos. “Parece que, ademais de ternos por parvas, tamén pensan que somos covardes”, engadiu Senra, “mais non imos dar nin un paso atrás. Contra a súa represión a sociedade galega respostará con solidariedade”.
A educación, a vivenda, a sanidade… “A criminalización da protesta social e de toda defensa dos dereitos humanos é un síntoma evidente da persecución das ideoloxías e do deterioro da democracia, se é que inda queda algo…”, valorou a eurodeputada galega, “por iso o PP esforzouse tanto en converter en legal a represión aprobando a Lei Mordaza”. “Defender o público, o dereito a un ensino público para todas e todos, non é delito. O delito é excluír ás clases populares do ensino”, sentenciou a eurodeputada de AGEe.
Alternativa Galega de Esquerda en Europa condena con contundencia a violencia directa e estrutural ca que o Estado está a atacar e criminalizar aos colectivos que precisamente máis están a padecer os recortes económicos, e demanda a absolución inmediata para estes tres estudantes.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
