Foz, 5 de novembro de 2015. O alcalde de Foz, Javier Jorge Castiñeira, asegura que os problemas políticos entre os socios de goberno da Deputación Provincial de Lugo están atrasando a aprobación provisional do PXOM de Foz, que está pendente exclusivamente da sinatura dun informe por parte do deputado delegado de Obras. O rexedor reclama ao goberno provincial que se poña a funcionar dunha vez con seriedade.
“Dende o Concello de Foz queremos expresar o noso descontento coa Deputación de Lugo, concretamente coa Delegación de Vías e Obras, á que lle compete o informe definitivo do organismo provincial sobre o Plan Xeral de Foz. Está moi avanzado o documento, tan avanzado que todas as administracións xa cumpriron co seu deber e manifestaron xa os seus informes definitivos ao Plan Xeral de Foz, estando todos corrixidos. Soamente falta o da Deputación, que estaba practicamente resolto e informado polo técnico correspondente de forma positiva ás peticións do goberno de Foz e dos redactores e está pendente da sinatura do delegado de Obras, que a día de hoxe parece ser que non aparece pola oficina da Deputación e por iso ese informe está pendente de asinar”, acusou o alcalde.
Castiñeira asegura que outras administracións xa enviaron os seus respectivos informes: “en contraposición, os informes de Estradas da Xunta de Galicia, que chegaron xa hai varios días, os de Carreteras del Estado, de Fomento, que chegaron tamén hai varios días, e os informes de Portos, tamén da Xunta, que eran os que quedaban logo de facer as modificacións que solicitaran. Pedímoslle á Deputación que deixe os problemas políticos a un lado e comece a funcionar dunha vez porque está prexudicando aos concellos en temas tan importantes como é a aprobación dun Plan Xeral. Logo o Partido Socialista e o BNG nos plenos de Foz preguntan polo Plan Xeral, cando son os mesmos socialistas e o BNG os que están por outro lado parando a tramitación. Pedimos dilixencia, seriedade e que inmediatamente se conteste e se asine ese informe que está enriba da mesa do Delegado de Vías e Obras da Deputación de Lugo”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
