Foz, 1 de novembro de 2015.- No pleno do próximo martes 3 de novembro, o BNG de Foz presentará tres mocións: unha referida á ILP por unha tarifa eléctrica galega, impulsada pola CIG, unha solicitando a creación dunha taxa para caixeiros e a seguinte, relacionada co IBI.
O BNG de Foz, a través do seu grupo municipal: Lorena Seivane García e María Teresa Rego Cabanas, presenta ante a Corporación Municipal de Foz, ao abeiro da lexislación vixente.
MOCIÓN PARA O AXUSTE DA REVISIÓN CATASTRAL
EXPOSICIÓN DE MOTIVOS
Estamos a padecer un procedemento de regularización aberto de oficio polo Ministerio de Facenda ao abeiro da Lei 16/2012, de 27 de decembro, Lei que moitos calificaron de inxusta, xa que non deberían ser obxecto de prezo público aquelas actividades que non afectan á utilización do dominio público, que tampouco están orixinadas por un servizo nin por unha actividade que beneficie de modo particular aos requiridos e que, nin moito menos, se produce por solicitude de contribuíntes.
Por outro lado, co consentimento do equipo de goberno, en Foz, tamén padeceremos a revisión catastral, que suporá un incremento medio nos valores catastrais de preto do 500 por cento, xa que axustará a valores de mercado actual bens inmóbeis que levan sen actualizarse dende o ano 1981.
Por estes motivos o grupo municipal do BNG solicita do Pleno da Corporación Municipal do Concello de Foz a adopción dos seguintes acordos:
1.- O Pleno do Concello de Foz insta ao Ministerio de Facenda a revisar a taxa de regularización catastral, de maneira que se establezan bonificacións e deduccións no seu importe:
a) Cando afecten a alteracións de entidade menor nos inmóbeis.
b) Cando o mesmo suxeito pasivo sexa obxecto de diversos expedientes de regularización catastral, de forma que ingrese dunha soa vez a taxa por todos os procesos.
2.- O Concello colaborará cos veciños e veciñas afectadas por esta regulación de oficio promovida polo Catastro, facilitándolles información e asesoramento para presentar as alegacións que consideren necesarias neste proceso.
3.- O Pleno do Concello insta ao Goberno Local a presentar unha proposta de modificación da ordenanza reguladora do IBI, para que teña vixencia en 2016, onde se revise o tipo de gravame municipal que se aplica no Imposto de Bens inmóbeis (IBI), tanto:
a) Con carácter xeral, rebaixándoo dos tipos aplicados entre os anos 2012 a 2015 pola aplicación da normativa básica estatal que impuxo o Goberno central.
b) Como de forma específica introducindo bonificacións dirixidas a persoas e familias con ingresos e rendas baixas, para adaptalo as posibilidades e necesidades que teñen os veciños e veciñas deste concello.
4.- Que o Concello aplique o gravame mínimo posible para paliar a suba desproporcionada que supón a revisión catastral.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
