Mondoñedo, 13 de novembro de 2015.- A alcaldesa do Concello de Mondoñedo, Elena Candia, reiterou este venres o compromiso do seu Goberno en materia de benestar e servizos sociais, que pasa por blindar a atención ás persoas maiores e dependentes do municipio. En concreto, adiantou que a súa prioridade é incrementar o orzamento en servizos sociais para o ano 2016.
A alcaldesa de Mondoñedo fixo estas declaracións no transcurso da visita a Mondoñedo do conselleiro de Política Social, José Manuel Rey Varela, quen fixo entrega dos diplomas aos alumnos do curso formativo para coidadores de persoas cunha demencia impartido na localidade.
Candia fixo balance do traballo do Goberno local en materia de benestar e destacou que o actual executivo suprimiu a lista de espera dos usuarios do Servizo de Axuda no Fogar. Son 73 en total os usuarios do Saf, 45 na modalidade de prestación básica, e 28 en dependencia. A maiores, a popular indicou que os tres usuarios que había en lista de espera tiveron xa resposta este luns coa celebración da Xunta de Goberno.
A rexedora popular tamén achegou datos como o total investido en servizos socias no Concello de Mondoñedo durante o presente ano, o que suma un importe superior aos 231.648 euros, amais de manterse 15 postos de traballo, 13 destes auxiliares de forma continuada e dous durante as vacacións.
De igual maneira, Elena Candia tamén destacou que o actual Goberno local aposta pola formación en materia de benestar. Neste senso, citou o curso que rematou hoxe para coidadores de persoas cunha dependencia, de FAGAL (Federación de Alzheimer de Galicia), coa que colabora tanto a Xunta de Galicia coma o Concello de Mondoñedo.
Por último, a popular contrapuxo a xestión do Goberno popular en materia de benestar coa dos socialistas e dos nacionalistas que aplicaron recortes e despediron a persoal, como é o caso da educadora familiar, servizo que a alcaldesa quere recuperar.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
