Mondoñedo, 11 de novembro de 2015.- O Goberno local do Concello de Mondoñedo e o departamento de xeoloxía da Universidade de Oviedo veñen de asinar un convenio de colaboración para a medición dos niveis de gas de radón na Cova do Rei Cintolo.
A sinatura levouse a cabo este mércores entre a rexedora, a popular Elena Candia, e o profesor Sergio Llana Fúnez, en calidade de Coordinador do grupo de investigación “Procesos geológicos modeladores del relieve de la Cordillera Cantábrica” (GEOCANTÁBRICA)” do Departamento de Xeoloxía da Universidade de Oviedo.
Tal e como explica o profesor, entre os obxectivos deste estudo, están a identificación de fallas profundas que teñen experimentado actividade en épocas recentes. Estas fallas adoitan presentar pequenas concentracións de gas radón que permiten identificalas.
En Mondoñedo existe un sistema de fallas que probablemente teñan sufrido desprazamentos en épocas xeolóxicas recentes, así como covas kársticas susceptibles de almacenar pequenas concentracións do radón procedente do interior da terra. Polo tanto, tal e como recolle o convenio, é do interese da investigación realizar medicións de radón en cavidades da zona, entre as que se atopa a Cova do Rei Cintolo.
Estas medicións tomaranse no aire e na auga cos aparatos axeitados e sen causar dano algún na cova nin deixar residuos de ningún tipo na mesma.
O equipo de investigación está formado por persoal do Departamento de Xeoloxía da Universidade de Oviedo e do Departamento de Ciencias Médicas e Cirúrxicas da Universidade de Cantabria. O equipo está composto 20 investigadores de ambos os departamentos.
O convenio estará vixente ata o 31 de decembro do presente ano.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
