Cervo, 5 de novembro de 2015. O alcalde de Cervo, Alfonso Villares, deu conta este xoves do proxecto de orzamentos do Concello para o 2016, que serán presentados no pleno da corporación que se celebrará o vindeiro luns, 9 de novembro. A cantidade total supera os 6 millóns de euros e nela increméntanse respecto a este ano partidas como as de educación, deportes, cultura e servizos sociais.
“Hoxe presentamos os orzamentos do Concello de Cervo para 2016, que ascenden a unha cantidade de 6.271.062,77 euros, nivelada esta cifra tanto en ingresos como gastos. Destacamos por unha parte as partidas de fomento do emprego: unha de 120.000 euros para a formación dual; a partida que temos para Feuga, que son becas de formación para rapaces, duplicámola e pasamos a ter un total de 200.000 euros. Tamén temos partidas para manter servizos como o GES, unha partida que neste caso ascende tamén aos 200.000 euros”, detalla o rexedor cervense.
Villares tamén salienta o incremento da inversión real: “pasamos a presupostar en investimentos para o ano que vén 929.380 euros, que é triplicar a cantidade que había este ano. Desta cantidade, o 35 por cento vai ser destinado a obras de saneamento; o 30 por cento, á reparación de estradas e camiños; o 15 por cento, a mobiliario da residencia e o 20 por cento restante a investimentos en Educación, Cultura e Deportes. O orzamento de Educación tamén ten unha subida dun 21,15 por cento con respecto a este ano, destinando unha parte ao persoal da escola infantil e tamén para as axudas de transporte aos rapaces que estudan fóra do municipio. En Cultura tamén temos un incremento con respecto a este ano dun 56,30%, destinado ao aumento da partida de Xuventude e outra partida para investimentos, en concreto para a Casa da Cultura de San Ciprián. En Deportes tamén temos outra subida, en concreto dun 59 por con respecto a este ano. Por unha parte aumentamos gastos de persoal polos socorristas da piscina e queremos ir reforzando máis os seus servizos. Aumentamos tamén as axudas a entidades deportivas e temos unhas partidas importantes en investimentos para este apartado deportivo”.
O alcalde destacou ademais que “en Servizos Sociais tamén temos un incremento do 50,62 por cento con respecto a este ano. Por unha parte aumentan os gastos de persoal de axuda no fogar, porque queremos reforzar este servizo e polo tanto temos máis diñeiro para persoal, e tamén unha cantidade importante para investir no mobiliario do centro de día e residencia de maiores de San Cibrao”.
Alfonso Villares asegurou que estas contas son posibles grazas ao empeño do Concello en reducir a débeda existente: “son unhas partidas que se incrementan porque nestes catro anos pasados dedicamos a nosa política basicamente a baixar a débeda bancaria que tiña este Concello, que era forte e limitábanos á hora de facer o que estamos facendo agora: investir naqueles servizos que nós consideramos máis fundamentais. Hai que recordar que tiñamos cinco préstamos bancarios a principios deste ano e neste momento tempos unicamente dous; polo tanto a capacidade de amortización deste ano vai ser moito mellor que estes anos pasados e iso axúdanos a reforzar as partidas que temos para este ano”.
O rexedor rematou explicando que “son uns orzamentos que levaremos a pleno este luns e queremos que quedan vixentes a partir de xaneiro de 2016. Somos dos primeiros concellos que os presentamos. Estamos facendo un traballo moi importante na economía do Concello de Cervo e iso tradúcese en levar a cabo algo fundamental como é ter os orzamentos en tempo e forma e telos presentados diante dos nosos veciños cando hai que facelo para que estean funcionando a principios de xaneiro do ano 2016”.
Os Bombeiros de Vilalba excarceraron ao condutor ferido que quedou atrapado no interior do vehículo. O 112 Galicia tivo constancia do accidente ás 16:20 horas desta tarde. Un particular informaba a esa hora dun coche envorcado na LU-P 6501, quilómetro 40 en Rioaveso, ao seu paso por Cospeito (Lugo). Indicaba que no interior do vehículo había unha persoa ferida, consciente pero que non podía saír. Con estes datos, os xestores do 112 pasaron aviso ao Servizo de Urxencias Sanitarias de Galicia-061, aos Bombeiros de Vilalba, á Garda Civil de Tráfico e ao persoal de mantemento da vía.Unha vez no punto, os Bombeiros confirmaron a excarceración do ferido para posteriormente ser trasladado polo persoal do Servizo de Urxencias Sanitarias de Galicia-061.
Trátasde dun grupo coñecido pola súa posta en escena humorística e teatral, que combina música tradicional con estética de taberna e espírito festivo. O evento celebrarase o 22 de maio ás 23:00 horas na Rúa do Cobo nº 18, cun prezo de entrada de 5 euros. As persoas asistentes están convidadas a traer instrumentos para sumarse á foliada. A actividade conta con presenza en Facebook, Instagram e TikTok, onde se pode seguir a programación e novidades do espazo.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.