Burela, 20 de novembro de 2015. Nacimos para querernos, non para mancarnos este é o slogan dos actos conmemorativos do 25 de novembro do Concello burelés. As actividades xa deron comezo hai algunhas semanas coa convocatoria do IX Concurso de Microrrelatos e do V Concurso de Lemas, asía coma a celebración de dous talleres: un sobre a violencia intrafamiliar e outro sobre muller e saúde.
Os actos seguiron este venres coa colocación dunha pancarta na fachada do Concello, que seguiron moi de preto todos @s membr@s do equipo de goberno. E mañá, sábado, ás 20.30 horas no auditorio da Casa da Cultura terá lugar a representación da obra teatral Pementeiras, unha historia de empoderamento feminino. Desde Xore Teatro explican que “Pementeiras narra a historia de dúas amigas que teñen un pensamento moi diferente da realidade social na que están inmersas. Sofía unha muller nova que ten grandes inquietudes e gañas de loitar polo seu recoñecemento persoal e profesional animándose a participar en calquera proxecto que mellora a súa situación actual. Por outro lado, Dosinda, unha muller tradicional arraiga nos valores do patriarcado que non amosa ningún interese en mellorar a súa situación social e familiar, xa que para ela as cousas sempre foron así e non deberían cambiar. Durante o desenvolvemento da obra, Sofía faille ver a Dosinda na situación que se atopa e axúdalle a iniciar un proceso de reflexión persoal que lle deparará grandes cambios, tanto no ámbito familiar como laboral”.
Ademais, segundo explica a concelleira de Servizos Sociais, Muller e Igualdade, Patricia Otero, “ao longo destes días as monitoras de Gaia e persoal do CIM explicaranlles aos alumnos e alumnas dos CEIPs de Burela a problemática da violencia de xénero”.
O groso das actividades desenvolveranse o propio 25 de novembro, día internacional para a eliminación da violencia contra as mulleres. A edil socialista conta que “ese día colocaremos no salón de plenos un libro de firmas e opinións para que as persoas que así o desexen poidan deixar nel a súa aportación. Ao longo de toda a mañá nos CEIPs de Burela o alumnado irá deixando tamén as súas reflexións sobre a violencia de xénero nun panel cunha silueta de muller”.
Xa ás 19.30 horas haberá unha concentración na praza do Concello. E a continuación entregaranse os premios aos gañadores dos Concursos de Microrrelatos e Lemas, no salón de plenos, onde haberá unha representación do relato gañador do 2014. A xornada rematará coa lectura do manifesto contra a violencia machista.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
