Ribadeo, 2 de decembro de 2015.- A Asociación de Comerciantes, Industriais e Autónomos de Ribadeo (Acisa) ten xa lista a súa programación de Nadal, que inclúe descontos para os seus clientes na pista de xeo natural que estará instalada no parque de San Francisco a partir do 18 de decembro, a decoración dos locais comerciais asociados, a instalación dunha árbore na praciña de San Roque, un paxe real con carroza para recoller as cartas aos Reis Magos, a quinta edición da Festa do Comercio e unha campaña na hostalería local na que se repartirán 1.200 euros en premios.
Acisa e o Concello de Ribadeo traen este Nadal, entre o 18 de decembro e o 10 de xaneiro, unha pista de xeo natural ao parque San Francisco de Ribadeo e, con ese motivo, os comercios asociados entregarán aos seus clientes uns vales de desconto por compras maiores a 20 euros. Este vale, xunto ao ticket de compra, será entregado nas taquillas da pista de xeo e permitirá gozar dun desconto do 50% nas entradas, que pasarán a custar de 6 euros a 3 euros. Os tickets serán selados para que non sexa posible reutilizalos e entregarase un só vale por cada compra que supere os 20 euros, independientemente da cuantía.
Ademais, Acisa repartirá material decorativo entre os seus locais asociados coa finalidade de crear espazos de lecer agradables e cálidos en Ribadeo. Acisa colocará unha árbore de luz de 10 metros na praciña de San Roque.
Tamén nas rúas de Ribadeo poderá verse un paxe real con carroza para que os nenos poidan achegarse a el e entregarlle as súas cartas aos Reis Magos. Estarán o 26 de decembro na Avenida de Galicia, 5; o 27 na Praza 8 de Marzo; o 28 tamén na Praza 8 de marzo; o 29 na Rúa San Francisco, 2; o 30 na Rúa Virxe do Camiño, 3; o 2 de xaneiro na Rúa Reinante, 31; o 3 de xaneiro na Praza 8 de marzo e o 4 na Rúa Ramón González, 23. Todas as saídas serán entre as 16:30 e as 20:30 horas excepto as dos domingos 27 de decembro e 3 de xaneiro, que serán de mañá, en horario de 11:30 a 14:30 horas. Desde Acisa indican que “en caso de choiva a carroza suspenderá a súa saída, e o paxe trasladarase á entrada do Cine Teatro”. O paxe contará cun buzón e entre as cartas entregadas haberá un sorteo de 100 euros.
Tamén estes Nadais Acisa celebra unha nova edición da Festa do Comercio, a quinta. A cita será o 16 de xaneiro no Cine Teatro de Ribadeo ás 21 horas. Haberá premios por un importe total de 2.000 euros, con sorteos en directo de 1.500 euros en premios de 500, 400, 300, 200 e 100 euros, ademais de 500 euros non presenciales. As rifas repartiranse, trala ponte de decembro, entre a clientela do comercio local durante as festas de Nadal.
Por outra banda, Acisa terá unha campaña propia para os bares e restaurantes asociados. Realizarase un sorteo de 25 euros en cada bar, e repartiranse en total 1.200 euros. Os clientes terán que asinar cadros numerados por consumición realizada e o número coincidente coas últimas tres cifras do sorteo do Día do Neno, que se celebra o 6 de xaneiro, será o premiado.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
