O derbi irmandiño entre o Ourense Envialia e un minguado Burela FS Pescados Rubén resolveuse con empate sen goles. O conxunto mariñán viaxou á cidade das Burgas sen a internacional Shio, con Claudia cunha sobrecarga que lle impediu participar e con Peque con febre. A escuadra lucense optou por unha defensa en media pista, á busca do contragolpe, para chegar con opcións de pelexar polos tres puntos na recta final.
A formulación burelista seguiu o guión marcado. As laranxas souberon conter as escasas ocasións locais para manter o electrónico sen moverse no primeiro período. Tras o descanso, con menos perigo das ourensás, sobre a área de Jozi, as de Lucas apostaron por aumentar a súa liña de presión nos últimos dez minutos; dispuxeron as mariñás de bos balóns en contraataque sen éxito na finalización.
Visita do Atlético de Madrid
Vista Alegre recibirá o intratable Atlético de Madrid Navalcarnero xa este sábado, ás 18.30 horas, na 11ª xornada. Desde a segunda praza con 25 puntos, as pupilas de Lucas aferraranse ao espírito do mausoleo laranxa e da afección mariñá para romper coa imbatibilidade do líder (30 puntos), impecable ata a data.
Ficha técnica
Ourense Envialia: Vane, Bea, Marta, Andrea e Sara Moreno (quinteto inicial). Tamén xogaron Laura, Ana, Peque, Chiky e Kiko.
CD Burela FS Pescados Rubén: Jozi, Peque, Gaby, Bea Mateos e Maite (quinteto inicial). Tamén xogaron Ceci e Lara.
Árbitros: Borja Moreira e Raquel Manteiga do colexio galego. Amoestaron con cartolina amarela a Bea e Andrea no Ourense e con amarela Gaby e Ceci no Burela.
Partido correspondente á 10ª xornada de Primeira RFEF disputado nos Remedios.
A celebración está organizada pola asociación cultural Ourofest coa colaboración do Concello do Valadouro e conta co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
