Ribadeo, 3 de decembro de 2015.- O XIII Mercado de Nadal de Ribadeo abre as súas portas este sábado, 5 de decembro, ás 17 horas da tarde. Ata o martes, día 8, haberá 25 postos na rúa San Francisco e no parque nos que se poderán atopar pezas de artesanía, alimentación, vestido e calzado, entre outras propostas. O evento foi presentado este venres á mañá polo alcalde, Fernando Suárez, e pola concelleira de Turismo, Comercio e Desenvolvemento Local, Ana Martínez. O goberno local confía en que esta iniciativa volva arrastrar a veciños e visitantes á vila e que repercuta no comercio e na hostalaría. Ademais do Mercado, aberto durante a ponte festiva, tamén nestes días está previsto o acendido da iluminación de Nadal na vila de Ribadeo.
O rexedor dixo que “nesta 13ª edición do Mercado de Nadal dende o Concello queremos volver traer as actividades comerciais, artesanía, nas súas diferentes extensións, como calzado, vestido, alimentación, coiro, elaboración de cervexas, embutidos ou velas aromáticas. Así un total de 25 expositores de aquí da comarca, de todo o país e mesmo de comunidades próximas que queren achegarse para vender o mellor dos seus produtos. Aínda que nesta edición temos un gran número de expositores, 25, foron moitos máis os que o pediron, porque moita xente quere vir a Ribadeo. Queren vir porque ven que ten un éxito notable de público, de capacidade de congregar a moitísima xente”.
Suárez Barcia explicou que “os técnicos estiveron seleccionado o que nos parecía máis diversificado e representativo desta artesanía para o Nadal. Hai un incremento importante de artesáns locais, nesta nova edición do Mercado de Nadal vai haber máis presenza ca nunca de artesáns da vila e do municipio. O que queremos, coma sempre dicimos, é que isto favoreza que a xente veña e consuma en Ribadeo os produtos que se vendan no Mercado de Nadal, pero que tamén coma, tome cafés e merque nas tendas de Ribadeo, que non haxa escusa para vir a Ribadeo durante estes días, do sábado 5 de decembro pola tarde ata o martes 8 de decembro, que sempre haxa un motivo para todos os veciños, e tamén xente doutros municipios próximos e non tan próximos, veñan a Ribadeo”.
O alcalde ribadense engadiu que “con isto iniciamos o Nadal e contamos que durante a ponte se acenda o alumeado de Nadal que poñemos en marcha todos os anos. Hai que ter en conta que o Nadal comeza cedo, empeza con forza e, unha vez que acabe este Mercado de Nadal, de alí a pouco, empezamos coa pista de xeo natural. Dende o goberno municipal e dende a área que dirixe Ana Martínez estamos empeñados e convencidos de facer cousas que atraian á xente a Ribadeo, con reclamos diferentes, ben sexa unha pista de xeo, ben sexa un Mercado de Nadal ou calquera outra cousa, pero sempre con ánimo de atraer xente, porque logo, cando preguntamos aos comerciantes, aos restauradores ou aos taberneiros, dinnos que están contentos e agradecidos de que se fagan estas iniciativas para que a xente veña, porque se a xente vén acaba consumindo, mercando, e isto vénlle moi ben ao noso principal eixo económico, que é o sector servizos”.
A programación do Mercado do Nadal inclúe obradoiros, títeres, baile e música.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
