Foz Plataforma de Futuro fai balance destes cinco meses de lexislatura, destacando a súa preocupación por solucionar os problemas diarios da veciñanza

Foz, 9 de decembro de 2015.- Durante estes primeiros cinco meses de lexislatura “Foz, Plataforma de Futuro” estivo traballando todos os días en mellorar as condicións de vida dos nosos veciños e veciñas, dende o lugar que nos corresponde como oposición, fixemos todo o posible porque as nosas decisións influirán positivamente sempre no benestar do pobo de Foz.

Neste tempo presentamos numerosas mocións nos distintos Plenos da Corporación Municipal sendo aprobadas todas elas,como por exemplo:
-A construción dun paso peonil para os veciños de Vilaxoane.
-A construción dunha zona de esparcemento para os veciños de San Acisclo.
-As melloras do saneamento para os veciños de Vilaronte.
-Solicitar a inclusión do Concello de foz na rede de C.I.M (Centro de información da muller),etc..

Así como, numerosos rogos como:
-Solicitar o amaño da antiga escola da Hermida para uso dos seus veciños e veciñas.
-A limpeza da rúa Pasadoiro.
-Melloras na Biblioteca Municipal.
-Que se reparen as numerosas farolas do Casco Urbano que lles faltan a tapa protectora dos cables por seguridade,etc…

E numerosas preguntas como por exemplo sobre o
-Dragado do porto.
-A estrada N-642.
-Sobre as novas instalacións da protectora de animais.
-O uso do asilo de anciáns.
-Custo do alumeado de nadal para o noso Concello entre outras.

Nas decisións importantes da Corporación estivemos á altura das circunstancias e:
-Desbloqueamos un punto que levaba moitos anos bloqueado como era o da ubicación da nova depuradora de residuais do noso Concello.
-Estivemos do lado dos país e nais da Escola Municipal de Música para mellorar o seu proxecto educativo.
-E ó lado dos veciños reclamando a baixada do IBI ou Contribución para o ano 2016, entre outras.

Mostramos a nosa satisfacción por ter conseguido nestes cinco meses que se solucionaran xa numerosas reclamacións públicas nos medios de comunicación e xestións cos distintos Concelleiros do equipo de Goberno que “Foz, Plataforma de Futuro” fixo durante este tempo, como por exemplo
-A instalación dunha marquesiña para catro nenos do Colexio Fondo Nois en Ribela-Cangas.
-Cambio de papeleiras en mal estado na Rúa Concepción Arenal.
-Instalación de papeleiras nunha Rúa onde non había como era na Rúa Concello de Barreiros.
-Pintado de vados que estaban sen pintar.
-Melloras no alumeado no barrio de Folgosa en Sta Cilla.
-Limpeza e acondicionamento da Rúa Pasadoiro.
-Reparacións por deterioro da fonte da Glorieta de Villalba.
-A colocación de varandas nas escaleiras de aceso ó palco Municipal.
-Pintado de pasos de peóns.
-Rebacheos dalgunha estrada nas parroquias.
-Mellora do funcionamento do alumeado no barrio de Ribela en Cangas etc.,etc.

Estamos satisfeitos da nosa labor durante estes cinco meses por conseguir influír positivamente en todas estas decisións para os nosos veciños e veciñas.Foron tempos difíciles e duros para os tres Concelleiros de FPF na Corporación,por ser novos neste novo cargo que nos tocou desempeñar, por falta de experiencia e por practicar unha nova forma de facer política, pero todo este tempo nos fixo estar mais unidos que nunca e fíxonos ser mais fortes. Están moitas cousas das que reclamamos no tinteiro aínda, pero non se nos esquecen e seguimos loitando e facendo unha oposición construtiva e vixiante para que sexan realizadas polo actual equipo de Goberno do noso Concello, así como aportando novas mocións, novas reclamacións e seguiremos facendo as xestións necesarias para lograr solucionar os numerosos problemas que seguen tendo os nosos veciños e veciñas.

Así mesmo pedimos ó Alcalde do noso Concello se dé a máxima urxencia posible, en intentar darlle unha solución a unha das últimas mocións que FPF presentou no Pleno de Novembro e foi aprobada por unanimidade, como foi a do arranxo da ponte sobre a vía do tren na parroquia de Nois, no barrio do apeadero, xa que precisamente fai uns días por desgracia os ocupantes dun vehículo sufriron un acidente e casi caen á vía do tren.Esto nos dá a razón e terá que facer ver ás distintas administracións a importante e necesaria obra que esto supón, esperando que non haxa que lamentar novos sustos durante este tempo de espera.

Mentras os grandes partidos tradicionais de sempre están volcados na campaña electoral, con grandes publicidades por medio,prensa, radio, etc..Dende ”Foz,Plataforma de Futuro” seguimos traballando dende a humildade desde Foz e para Foz.