Burela, 28 de decembro de 2015.- O Concello inviste 6.400 euros na instalación de iluminación led no pavillón Vista Alegre. O concelleiro de Obras e Servizos, Ramiro Fernández, destaca que “deste xeito conseguiremos un aforro enerxético de máis dun 50% e incrementarase a luminosidade da instalación”.
O edil socialista explicou este luns ao mediodía que “dende a Concellería de Obras e Servizos, tal e como xa anunciamos en días anteriores, seguimos a traballar en conseguir aforros en materia enerxética, maiores eficiencias enerxéticas nas instalacións municipais e contribuír dentro das nosa posibilidades a reducir o impacto ambiental diminuíndo a emisión de CO2”.
Ramiro Fernández dixo que “seguindo con esta liña de traballo vimos de iniciar a reposición do alumeado público do pavillón polideportivo Vista Alegre con dous obxectivos fundamentais: primeiro conseguir unha mellor eficiencia enerxética e por outro lado mellorar a iluminación de dita instalación, tendo en conta que ademais a actual iluminación estaba a xerar certas dificultades para as emisións televisivas do noso equipo de fútbol sala ao non contar cunha iluminación homoxénea”.
O concelleiro de Obras e Servizos indicou que “os traballos van consistir na substitución das actuais 24 campanas de haloxenuros de 250 watios de potencia por luminaria de tecnoloxía led de menor potencia e mellor luminosidade, conseguindo un aforro enerxético de máis dun 50% e un incremento da luminosidade de en torno a un 30%”. Fernández Rey subliñou que “segundo o estudo feito pola empresa responsable da colocación da nova iluminación o aforro anual roldaría os 2.500 euros, co que nesta lexislatura xa quedará amortizada esta obra que lle vai a supoñer ao Concello un desembolso duns 6.400 euros, que como dicimos, e tendo en conta os estudios realizados se recuperarán en pouco máis de dous anos dende a colocación da nova luminaria”.
Barco Museo
O tamén concelleiro de Turismo, Ramiro Fernández, e o alcalde, Alfredo Llano, sinalan que “a apertura do barco museo Reina del Carmen no día de hoxe estivo a ter unha moi boa acollida e así agardamos que siga durante as xornadas de mañá e do mércores”.
O rexedor lembrou que “imos telo aberto de 10 a 13 horas mañá, martes, e tamén o mércores para que toda aquela xente que se aproxime a Burela e queira ir cos seus familiares ou dar un paseo ata o barco museo, poida facelo dun xeito totalmente gratuíto”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
