Cervo, 30 de decembro de 2015. O Concello de Cervo entregou os cheques coas axudas aos tres centros educativos do municipio, entre os que repartiu 3.750 euros. Os beneficiarios son o CEIP Cervo, o CEIP Cervo Número 1 e o IES Marqués de Sargadelos, que recibiron 1.250 euros cada un. Trátase de subvencións de apoio á educación, polo que os centros poden destinar os importes á posta en marcha de actividades culturais, recreativas ou de calquera tipo, sempre que redunden en beneficio da comunidade escolar. Tamén poden ir dedicados a gastos de funcionamento, conservación, mantemento e reparacións menores.
O alcalde de Cervo, Alfonso Villares, e a concelleira de Educación, Dolores García, entregaron os cheques aos representantes dos centros para “contribuír con eles na dinamización do ensino a través dunha subvención que entregamos todos os anos”, sen esquecer ademais a liña aberta de colaboración que mantén o Concello cos colexios e o instituto, financiando obras e actividades sempre que os centros o requiren.
Ao mesmo tempo, a edil destacou que “traballamos durante todo o ano para tentar abarcar todos os aspectos que permitan mellorar o ensino”. Desta forma, lembra as axudas ás ANPAS entregadas hai uns días como unha colaboración máis coas entidades educativas e tamén as subvencións para material escolar e libros para as familias ou as de transporte para veciños que estudan fóra do municipio.
Dolores García mencionou tamén “as numerosas actividades que se poñen en marcha para público infantil, como é o caso da Ocioteca (todos os sábados durante o curso escolar), ou os Enredos (nos períodos de vacacións), que mesturan a vertente lúdica coa aprendizaxe e que constitúen un complemento á educación”.
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
