28 de decembro de 2015.- O Grupo Vocal SondeNós (dir. Plácido Travieso) ofrecerá dous concertos este Nadal pola Mariña. A primeira cita será o luns 28 de decembro ás 20,30 h en Viveiro, xunto ao Coro Tempus Fugit (dir. Javier Fajardo), na igrexa das Concepcionistas; a segunda cita será o sábado 2 de xaneiro ás 20,00 h no Vicedo, na igrexa parroquial, concerto organizado pola Asociación Cultural Orde Templaria desta localidade.
SondeNós deseñou un programa en dous bloques con música sacra e popular. No apartado sacro, ou propio navideño, presenta tres arriscados dípticos onde mistura a música do Renacemento coa do s. XX, ilustrando tres momentos do Nadal: a Anunciación, o Nacemento e a Ledicia de anxos e pastores. Andrea Gabrieli (1510-1586), Hans Leo Hassler (c. 1564-1612) e Michael Praetorius (1571-1621) representan o primeiro estilo; Mário de Sampaio (1898-1966), Javier Díaz (n. 1973) e Julio Domínguez (n. 1964), representan o segundo.
Seis pequenas pezas conforman o segundo bloque e definen un estilo que chamamos pop coral. Son arranxos escritos especialmente para SondeNós de cantautores como Antonio Vega, Charles Aznavour, Laura Pausini ou Antonio Machín. Quixemos entrar tamén dalgún xeito no mundo do cine e preparamos unha partitura sobre o tema de amor do filme Romeo e Giulietta de Franco Zeffirelli.
SondeNós está composto pola soprano Julia Cea, a mezzo Rocío Fernández, os tenores Plácido Travieso -que ademáis é o director- e Txemi Jiménez e polos baixos Lucas Iglesias e Javier Díaz. En SondeNós hai xente da Coruña, do Vicedo e de Viveiro e tamén de Asturies e de Vitoria. Todos/as os/as seus/súas compoñentes residen en Galiza.
SondeNós inicia a súa andaina no ano 2012 e conta na súa traxectoria con dúas viaxes a Italia e numerosas actuacións dentro e fóra da Comunidade Galega. No presente ano 2015 colaboramos nas cerimonias de entrega de tres importantes premios: o “Pérez Parallé”, de poesía, en Fene; o “Manuel Murguía”, de relato curto, en Arteixo e, en data aínda moi recente, na Ceremony of the International Price Grupo Compostela-Xunta de Galiza, celebrada no Salón Nobre do Colexio compostelán de Fonseca.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
