Foz, 7 de xaneiro de 2016.- A residencia de maiores de Foz está sendo equipada nestes días e o alcalde, Javier Jorge Castiñeira, pretende que estea en funcionamento no primeiro semestres deste ano. Con este motivo reuniuse este xoves en Santiago de Compostela co xerente do Consorcio Galego de Servizos de Igualdade e Benestar, Perfecto Rodríguez.
Despois da xuntanza o rexedor municipal focense manifestou: “hoxe tivemos unha reunión con xerente do Consorcio Galego de Benestar, Perfecto Rodríguez, e agradecémoslle que a nova residencia estea rematada, xa co edificio entregado pola empresa á Consellería. E temos unha nova boa máis, pois ese equipamento, que custou 158.957 euros, está sendo instalado pola empresa Lógica Equipamientos Integrales xa durante esta semana. Tratamos de avanzar no seguinte paso, que é a xestión do centro, pois queremos que estea en funcionamento no primeiro semestre deste ano; e para iso tamén falamos da posible transición entre os dous centros: o actual asilo de anciáns da Fundación e o novo xeriátrico. Dende o goberno municipal de Foz non queremos que haxa diferenzas entre uns e outros e cremos que se debe facer a transición dun centro cara ao outro; hai moitos agravios, xa non só nos equipamentos e no edificio senón tamén nos servizos e dende logo non queremos que haxa maiores de primeira e de segunda no noso municipio, a menos de 100 metros. Polo tanto, queremos que esa transición se faga así, que os empregados que hai tamén actualmente no asilo e os propios residentes poidan ter unha transición tranquila, que non lles afecte para nada. E esa idea o Consorcio tamén a entende”.
Javier Castiñeira engadiu que “a idea que mellor encaixa é unha xestión externa, un servizo público totalmente igual que en calquera outra residencia, pero cunha xestión externa, posto que pero se o persoal ten que ser do Consorcio xa non se podería integrar o que está traballando actualmente no asilo. Polo tanto estivemos avanzando neste sentido”.
O alcalde de Foz tamén comentou que este foi o seu primeiro contacto co novo xerente do Consorcio Galego de Servizos de Igualdade e Benestar, que “ten actualmente unha gardería Galiña Azul, que dá servizo a 54 nenos e nenas do noso municipio. E agora, en menos de seis meses, seguramente teremos tamén unha nova residencia de maiores e centro de día, que estará en funcionamento grazas ao compromiso do Consorcio Galego de Benestar e á Consellería, agora con José Manuel Rey pero antes estivo Beatriz Mato, que foi a conselleira que financiou este proxecto, e tamén grazas ao compromiso do presidente de Xunta de Galicia, Alberto Núñez Feijóo”.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
