Burela, a 25 de xaneiro de 2016.- O portavoz do Grupo Municipal Popular burelés, José María González Barcia, e o concelleiro José Casas Martínez, reuníronse co Conselleiro de Educación da Xunta de Galicia, Román Rodríguez, logo da visita oficial que o conselleiro fixo a Burela para comprobar cómo quedaron as obras de ampliación do IES “Perdouro” de cara á implantación da Formación Profesional Básica, e que supuxo un investimento de 360.000’00€ por parte da Xunta de Galicia.
Na reunión que mantiveron os dous concelleiros populares co Conselleiro, Barcia e Casas recoñeceron a importancia dos investimentos feitos pola Consellería de Educación en Burela no último ano e medio: cambio da cuberta do edificio do CEIP “Vista Alegre”, reparacións na cuberta nun dos edificios do CEIP “Virxe do Carme”, e a ampliación do IES “Perdouro”, a primeira que se fai nun centro educativo de Burela en quince anos. González Barcia lembrou que “cando estivemos no goberno municipal, xestionamos esta obra coa Xunta porque entendíamos que as demandas do IES ‘Perdouro’ eran acertadas”.
Durante a reunión, o Conselleiro de Educación, Román Rodríguez e os dous concelleiros populares fixeron un repaso á situación dos centros de ensino bureleses e ás posibles necesidades dos mesmos. González Barcia manifestou que “nestes momentos, debemos traballar para cambiarlle a cuberta ó pavillón do CEIP ‘Virxe do Carme’, obra da que xa hai unha memoria valorada feita polo anterior goberno municipal do PP”.
González Barcia e Casas Martínez manifestáronlle a Román Rodríguez o seu agradecemento pola reunión, “xa que no PP, desde a oposición, vamos seguir traballando por Burela, e vamos seguir de cerca os procedementos daquelas actuacións que nós deixamos encamiñadas, máis ainda cando vemos que nin o alcalde nin os seus concelleiros se preocupan o máis mínimo polos problemas de Burela e moito menos polo ensino”.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
