Ribadeo, 11 de febreiro de 2016. Ribadeo presenta a proposta Litoral de As Catedrais-Os Castros como candidata a formar parte da prestixiosa listaxe Global Geosites. Trátase dun importante inventario de lugares de interese xeolóxico da Unión Internacional das Ciencias Xeolóxicas e a Unesco. A concelleira Ana Martínez subliña que “estar nese inventario dará unha valiosa publicidade á nosa costa, o que aumentara o número de visitantes ao concello, ademais de axudar a concienciar á sociedade da importancia de preservar o medio ambiente” e lembrou o traballo realizado polo Concello coas xeorutas nos últimos meses.
A edil nacionalista contou que “as formacións xeolóxicas da praia de As Catedrais levan décadas atraendo a visitantes de todos os recantos do mundo. Pero esta icona ribadense non é o único espazo con interese xeomorfolóxico do litoral da contorna. Conscientes disto desde o Concello levamos apostando por dar a coñecer e valorizar dun xeito sostible este patrimonio natural. Un reflexo bastante importante o temos no proxecto das xeorutas que, xunto coa Universidade de Santiago e co apoio da Deputación de Lugo, deu lugar o ano pasado á formación de vinte guías medio ambientais do noso concello e despois acabou co seu punto álxido coas xeorutas que se realizaron este verán na praia das Catedrais e tamén en Rinlo”.
Ana Martínez explicou que “neste marco de traballo desde o Concello estamos a colaborar co doutor en xeoloxía Francisco Canosa Martínez, coordinador das xeorutas de Ribadeo, na elaboración dunha proposta de geosite para unha boa parte do litoral ribadense. Baixo o nome de Litoral de As Catedrais-Os Castros, o anaco máis salientable da nosa costa, este proxecto será candidato a formar parte do prestixiosa listaxe Global Geosites”.
A concelleira de Turismo dixo que “o proxecto Global Geosites consiste nun inventario de lugares con interese xeolóxico de relevancia internacional elaborado pola Asociación Europea para a Conservación do Patrimonio Xeolóxico (ProGEO), co apoio da Unión Internacional de Ciencias Xeolóxicas (IUGS) e a UNESCO”.
Martínez entende que “na actualidade o interese social e turístico polo patrimonio xeolóxico focalizase principalmente sobre a praia das Catedrais, que recibe anualmente millares de visitantes, o que afecta á degradación do espazo, así como a calidade da visita. É preciso romper con esta dinámica e apostar pola valorización de todo o litoral de Ribadeo, transformándoo a súa vez nunha oportunidade para o aproveitamento socioeconómico e compatibilizando a súa conservación e mantemento”.
A edil de Turismo subliñou que “a aposta polo a veces esquecido patrimonio xeolóxico é unha inversión en alza. Xa nos últimos anos se aprecia un novo espertar na conciencia ecolóxica da sociedade. Así cada vez máis persoas volven a ollar coa mesma fascinación que os nosos antepasados os fenómenos naturais que Galicia nos ofrece. Unha mostra disto é o éxito que experimentaron ás xeorutas impulsadas polo Concello de Ribadeo. As xeoruta dos Arcos, realizada a través da praia das Catedrais saldouse con 2.790 visitantes entre xullo e setembro, e cunha valoración global de 10 sobre 10 segundo o 95% dos enquisados. Por outra banda a xeoruta de Os Ollos pola costa de Rinlo foi percorrida por 605, cunha perfecta cualificación de 10 sobre 10 polo 100% dos enquisados. Ademais un bo porcentaxe dos participantes de cada xeoruta animouse a realizar a outra”.
Para Ana Martínez “será un orgullo que dentro dun tempo entremos a formar parte do inventario de Global Sites, xa que dará unha valiosa publicidade á nosa costa, o que aumentara o número de visitantes ao concello, ademais de axudar a concienciar á sociedade da importancia de preservar o medio ambiente. As xeracións futuras agradecerán a conservación de estes espazos naturais únicos. Haberá que agardar uns meses ata que os avaliadores do proxecto realicen o seu informe. Se resulta favorable, o litoral de Ribadeo gozará dunha nova figura de recoñecemento internacional ao seu rico patrimonio natural”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
