Foz, 9 de marzo de 2016. Semella que a actual equipa directiva do SERGAS fixera as “prácticas” na extinción dos lumes da Xunta de Fraga-Feijoo. Só deste xeito entendemos a autocomplacencia do seu desmentido diante das queixas do BNG-Asembleas Abertas ao respecto do desleixo na cobertura das sucesivas e prolongadas ausencias de profesionais no CS de Foz (algunha continúa: os usuarios ben que o padecen).
Publican un desmentido cando por fin despois de 6, 8 e máis meses se volven a incorporar os profesionais, actuando con desprezo cara aos usuarios destacando no desmentido as “prestaciones” (sic) do Centro de saúde e suliñando “que cuenta con ocho médicos de atención primaria (6 en horario de mañana y 2 de tarde), 7 diplomados universitarios de enfermería, además de pediatra, odontología, higienista dental, fisioterapeutas (uno en horario de mañana y otro de tarde), auxiliares de enfermería, personal de servicios generales, administraciones, entre otros”. Fáltalle saber ao autor do desmentido que “cuenta con” tería que implicar que sempre están cubertas estas figuras.
No canto de explicar o que non fixeron durante as ausencias continuadas e as previstas dos profesionais (nunca desmentidas porque foi ASÍ), adícanse a describir as prestacións do CS de Foz, todo un paradigma do criterio da dirección dos servizos desta administración, que fala do Servizo sanitario coma quen vende unha moto (a ver se vai ser eso o que están a facer…). E para cando os doentes deixaron de precisalo, as ausencias foron parcialmente cubertas. O mesmo cos lumes desta Xunta: nada de planificación, nada de prevención, nada de dotar adecuadamente as equipas, os centros; simplesmente agardar que chova/se reincorporen. Cando empezou a chover, extinguíronse os lumes, e xa está todo explicado. Todo un éxito de planificación sanitaria e de inoperancia.
O BNG continúa a demandar unha cobertura adecuada das urxencias sanitarias de tarde no CS de Foz. O Sr. Conselleiro Vázquez Almuíña ten PAC na súa localidade, da que foi alcalde, e o actual Director de Atención Primaria de Lugo traballaba no PAC de Guitiriz, alí si hai urxencias de tarde e non o que deixaron en Foz.
Todo é unha completa trapallada. Cando se eliminou a figura do médico de urxencias de tarde coa complacencia do alcalde, a que viña o cupo restrinxido que se reservara para o anterior tenente de alcalde do PP? Castiñeira dicía que era para cubrir as urxencias, agora ten xa un cupo normal, e o SERGAS dí que temos moitas “prestaciones”… E os usuarios teñen que ir a Burela, triste realidade.
Continuamos a demandar a cobertura das baixas, das reduccións de xornada, unha adecuada planificación dos permisos dos profesionais, etc, e menos pseudoliteratura nos desmentidos. Hai que estar un pouco mais ao pé dos usuarios e non faltar á verdade; os feitos foron e son como describe o BNG-AA. Xa saben o que dí o dicionario dos que non saben o que poderían ou deberían saber…
Lorena Seivane
Teresa Rego
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
