Lugo, 16 de marzo de 2016.- O deputado delegado da área de Cultura da Deputación de Lugo, Xosé Ferreiro, presentou os programas de actividades e obradoiros que programan os 4 museos da Rede Museística da Deputación para a vindeira Semana Santa deste 2016.
Trátase de actividades especialmente pensadas para as persoas que forman parte dos clubes Pequeamig@s, Club Ei! e Club Sénior, pero tamén abertas a outros participantes.
O prazo de inscrición comeza este xoves, 17 de marzo, e rexerase por orde de chegada das inscricións aos diferentes departamentos de didáctica dos Museos da Rede da Deputación de Lugo.
Guiada da man dun soño / a Primavera chegou./ E todas as andoriñas/ no ceo azul convocou.
Así comeza un poema de Manuel María, poeta ao que este 2016 se dedica o Día das Letras Galegas. Versos que nos convocan ao renacer que trae canda si a primavera, que nos animan a saír e gozar do que vive ao noso arredor.
Nos museos da Rede Museística tamén hai vida, e cores, e obxectos que provocan en nós sentimentos, emocións, curiosidade …
Con Manuel María, e con todos vós, pretendemos que os días de lecer desta Semana Santa sexan tamén de aprendizaxe e descuberta. En cada un dos museos da Rede Museística que xestiona a Área de Cultura da Deputación de Lugo, temos un variado programa de obradoiros e propostas que vos van facer voar como voan as andoriñas no poema de Manuel María.
Todo é voar e voar,
e andar de aquí para alá.
Todo é un ir en un vir
dende aquí deica acolá!
Obradoiros no Museo Provincial do Mar
O Pau da igualdade
En numerosas culturas indíxenas o pau é un instrumento de procura de auga, de mudanza das condicións meteorolóxicas. Pretendemos utilizar este símbolo non realizar maxia, senón que xerar unha reflexión sobre a igualdade independentemente da cultura ou o xénero.
Data: 19 de Marzo
Horario: 11:30h a 13:00h
Idades: 6 a 14 anos (Club Pequeamig@s)
Prazas: 10
Outra de piratas
A piratería é un elemento inherente á historia dos mares que se converte en figura xa da mitoloxía e da literatura universal. Piratas que xa estiveron presentes en máis obradoiros deste museo e que neste son tamén mulleres, ou acaso non houbo mulleres nos barcos corsarios? Nos barcos piratas?
Data: 22 de Marzo
Horario: 11:30h a 13:00h
Idades: 6 a 14 anos (Club Pequeamig@s)
Prazas: 10
O Noso Son
Este proxecto consiste nun percorrido sonoro pola historia cultural e artística da nosa comunidade. Os diferentes Museos da Rede Museística ofrécennos a oportunidade de coñecer como era a vida en Galicia en diferentes épocas, así como as súas manifestacións artísticas e outros aspectos do seu patrimonio material pero poucas veces temos a oportunidade de escoitalas, de beber nas fontes inmateriais das historias e narracións orais. Este proxecto propón dar voz e vida aos obxectos que viven no museo a través das persoas que o visitan. Non se precisan coñecementos musicais, nin ter vocación teórica senón unha firme vontade para explorar as realidades sonoras e divertirse ao mesmo tempo.
Data: 22 de Marzo
Horario: 17:00h a 18:30h
Idades: todos os públicos (Club Pequeamig@s, Club Ei! e Club Sénior)
Prazas: 15
Web deste obradoiro: http://onososon.espaciorojo.com/presentacion/
Fíos e Tecidos: o tear
Obradoiro impartido por monitores/as da Asociación “Clío Reconstrucción Histórica”.
Os asistentes adquirirán nocións básicas sobre o tecido, as súas técnicas e as materias
primas empregadas, adaptando cada taller aos fondos de cada un dos museos.
Data: 23 de abril
Horario: de 12:00 a 13:00 h.
Prazas: 15 por sesión
Idades: de 8 a 16 anos (Club Pequeamig@s e Club Ei!)
MÁIS INFORMACIÓN SOBRE ESTAS ACTIVIDADES
As inscricións deben realizarse no departamento de Didáctica do Museo Provincial do Mar, San Cibrao, Cervo. Tfno..: 982 59 45 72 / museodomar@museolugo.org
Xerencia da Rede Museística: Tfno.: 699 836 883 / xerenciaredemuseos@deputacionlugo.org
E para estar ao día de todo o que pasa nos museos da Rede Museística da Deputación de Lugo, síguenos en facebook, twitter e na web http://www.redemuseisticalugo.org
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
