Ribadeo, 28 de marzo 2016.- Máis de cinco mil consultas recibiron as oficinas de turismo de Ribadeo e das Catedrais durante esta Semana Santa, segundo os datos que este luns deu a coñecer a concelleira de Turismo, Ana Martínez, que fixo un balance positivo desta tempada.
A edil nacionalista salientou que “de novo un gran número de persoas decidiron escoller Ribadeo como destino para pasar estes días de lecer, para gozar desta Semana Santa e para nós sempre é un agrado saber que o noso concello é o seu punto de elección”.
Ana Martínez subliñou que “tamén desde o Concello se fixo unha aposta importante por manter abertos os puntos de información turística durante máis horas para poder atender as demandas dos visitantes que se achegaron cara o noso concello. Así durante esta Semana Santa a oficina de turismo de Ribadeo, que xa está aberta durante todo o ano tamén ampliou o seu horario, e se abriu o punto de información turística da praia das Catedrais que estivo en funcionamento en horario de mañá e tarde desde os días 19 ao 27 de marzo cun horario máis amplo que outros anos”.
A responsable de Turismo indicou que “tamén en canto a números a oficina de turismo do núcleo urbano de Ribadeo recibiu durante a Semana Santa 1.225 visitas, o pico máis alto rexistrouse o venres, día 25. Tamén no que é o punto de información turístico da praia das Catedrais o número de visitantes foi alto, 4.031 consultas se efectuaron alí e desde logo os días de maior afluencia foron xoves e venres. Nestes dous días se superaron cada un deles as mil visitas ou consultas na propia oficina de información turística da praia”.
Martínez manifestou que “se sumamos estes datos temos que dicir que en torno a 5.250 persoas solicitaron información nas nosas instalacións de turismo, o que significa que respecto ao ano anterior se incrementou en 1.323 persoas. Tamén é certo que durante este ano quizais polo mal tempo ou porque a propia Semana Santa cadrou moi arriba no calendario ou a finais de mes, falando con hostaleiros ou comerciantes o consumo si é certo que non foi tan alto como ocorreu nos últimos anos”.
A concelleira de Turismo engadiu que “de todos os xeitos falando de ocupación hoteleira e tras unha sondaxe entre os nosos establecementos temos que dicir que nestes días de Semana Santa se roldou o 100%. De feito durante o xoves e o venres estivemos practicamente ao cen por cen e durante os outros días da Semana Santa estivemos entre o 80 e o 85%. Son datos bastante importantes de que a xente non soamente chegou a visitar a praia senón que tamén pernoctou en Ribadeo. O perfil deste viaxeiro é do Estado español concretamente das comunidades de Madrid, Cantabria e Castela-León. O turismo internacional en Semana Santa a verdade é que non é o punto máximo no que esta xente nos visita, pero si é certo que durante estes días foron 178 estranxeiros os que rexistramos entre as dúas oficinas. Por outro lado, o turismo organizado que cada vez podemos ver máis por Ribadeo, turismo de grupos que practicamente todas as semanas nos visitan e podemos ver xente polo parque ou polo cantón e nesta Semana Santa foron nove grupos diferentes os que nos visitaron”.
Ana Martínez dixo que “a xente non soamente pide información in situ senón en moitos casos xa veñen bastante informados ou con coñecemento importante de diferentes lugares de Ribadeo. Isto probablemente ven axudado pola nosa páxina web de turismo que xa hai máis de ano e medio que se presentou en Fitur en Madrid, e desde logo entendemos que é unha ferramenta moi válida para que a xente cando prepara a súa visita á praia das Catedrais poida descubrir non soamente esta praia senón tamén outros lugares como Rinlo, a zona vella de Ribadeo ou o Faro de Illa Pancha. Soamente durante o mes de marzo foron 4.248 consultas as que se recibiron nesta páxina web”.
A edil nacionalista aludiu tamén “á importancia que ten o número de consultas que se fixeron arredor dos indianos. De feito durante esta Semana Santa se presentou o cartel do Ribadeo Indiano na súa terceira edición, e moita xente se achegou a preguntar polo evento e incluso moita xente pregunta polas casas de indianos, polas rutas e por ese pasado indiano de Ribadeo. Aquí gustaríame facer un guiño, xa que o Concello xunto con ACISA estamos arrancando xa con esa terceira edición do Ribadeo Indiano. Dende aquí convidar a todo o mundo a que esa segunda fin de semana do mes de xullo, que son as datas nas que se vai celebrar, que todo o mundo prepare a súa roupa, os seus sombreiros, as súas pamelas e estean aquí para gozar con todas e todos nós do Ribadeo Indiano”.
Finalmente a concelleira de Desenvolvemento Local, Turismo e Comercio sinalou que “Ribadeo é máis que a Semana Santa ou o verán, tamén está o Ribadeo Indiano, dentro de poucos días estará a data do Ribadeo de Tapeo, creo que debemos salientar que cada vez nos visita máis xente o resto do ano. Penso que entre todas e todos xuntos, entre a hostalería, o comercio, as veciñas e os veciños estamos a construír ese Ribadeo agradable para vivir, pero tamén para gozar e desde aquí convidar a todo o mundo a vir a gozar cada día de Ribadeo”.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
