O Burela FS Pescados Rubén volveu facer historia esta tarde sobre a Pista Azul aínda que a recompensa sobre o electrónico non foi compañeira de viaxe. Os pupilos de Daniel Ibañes plantaron cara ao impoñente Movistar Inter, de ti a ti, gozando, competindo e sen nada que perder. Deron a gran sorpresa, con precisión finalizadora, adiantando ata 2-0 á máquina verde nunha cita intensa que finalmente caeu do lado interista (3-6) e da que a pesar do resultado os mariñáns saen reforzados animicamente.
Saíu o Pescados Rubén esperando o rival con defensa en media pista, sen fendas, obrigando ao disparo exterior de Movistar e freando o traballo a priori previsible para Edu. E tamén cumpriu en ataque; o Burela chegou á pista verde para deixar pegada. Na primeira ocasión laranxa Chino adiantou aos da Mariña, no minuto 8; poucos segundos despois, Hélder ampliou a 2-0, nun disparo cruzado con pase de Chano. O todopoderoso reduciu distancias no ecuador da primeira parte, nas zapatillas de Ortiz, desde balón parado tras falta de Carlitos, con Edu quizais un pouco adiantado. Reaccionou Inter cunha marcha máis e igualou a contenda Rafael en parede con Ricardinho tras un meteórico saque de banda do 10 verde. Apostaron os mariñáns por xogo de cinco con Iago Rodríguez para manter o balón pero non saíu ben; aproveitou o gardameta Jesús Herrero para anotar a porta baleira o 2-3. Petry tivo nos seus pés o equilibrio aínda que non puido controlar fronte á rede Movistar e en contraataque Jesús Herrero topouse co pau de novo a porta baleira. Contivo o ataque Iago Rodríguez despexando na liña de meta un balón envelenadísimo interista no 18. O 2-4 subiu a falta de 26 segundos para a medianía da cita, de Borja, en tentativa de rexeite de Chano. O descanso fixo acto de presenza cun gran latigazo de Hélder desde balón parado que se foi por pouco.
Regresou o espectáculo á Pista Azul con dobre perigo de Cardinal sobre Edu. Os laranxas volveron brillar en finalización no 24; reduciu distancias Iago Míguez desde saque de esquina de Antoñito e a punto estivo de sorprender Iago Rodríguez ao ex-laranxa Álex González pouco despois. Superado o minuto 30 e con cupo de faltas para os galegos, Álex Pérez freou a avalancha de Ricardinho en dobre penalti aliado en segunda instancia polo pau. Volveu facer os deberes a defensa burelista ante a triangulación de Movistar con toque final de Daniel. Con todo nada puido facer Edu fronte a Cardinal no minuto 32, desde banda de Ortiz (3-5). Tras dobre tentativa de Iago Rodríguez sobre a meta de Álex Glez., o lugués enfundouse na camiseta azul para ir a por todas con xogo de cinco a falta de tres minutos e medio para a bucina final. Aínda con opción de remontada, na recta final, Chano e Petry leáronse no bordo da meta, sen éxito, e Iago Míguez case a coa entre as pernas de Álex, pero foi a maxia de Ricardinho a que anotou o 3-6 definitivo en dobre penalti a falta de 42 segundos.
Domingo 13 de marzo, Teledeporte
20.15 horas: Final
Ficha técnica
CD Burela FS Pescados Rubén: Edu, Isi, Chano, Carlitos, Chino, cinco inicial; tamén xogaron Iago Míguez, Antoñito, Petry, Iago Rodríguez, Hélder, Álex Pérez
Movistar Inter: Jesús Herrero, Ricardinho, Borja, Rafael, Ortiz, cinco inicial; tamén xogaron Rivillos, Daniel, Pola, Darlan, Cardinal, Álex González
Goles: 1-0, minuto 8, Chino; 2-0, minuto 9, Hélder; 2-1, minuto 10, Ortiz, 2-2, minuto 11, Rafael; 2-3, minuto 15, Jesús Herrero (porta baleira); 2-4, minuto 19, Borja; 3-4, minuto 24, Iago Míguez; 3-5, minuto 32, Cardinal; 3-6,minuto 39, Ricardinho
Árbitros: Juan Cerda // Martínez García (Colexio Balear). Por Burela FS amarela a Petry (minuto 15), Chino (minuto 30), Chano (minuto 39). Por Movistar amarela a Rivillos (minuto 14), Ricardinho (minuto 31)
Incidencias: Partido correspondente a semifinais da Copa de España Guadalajara 2016 disputado no Palacio Multiúsos de Guadalajara.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
