Cervo, 16 de marzo de 2016. O alcalde de Cervo, Alfonso Villares, destaca o bo camiño polo que vai o Concello no aspecto económico, como demostran os datos da liquidación do presuposto municipal de 2015, que xa foi aprobada.
O rexedor municipal explicou que “no Concello de Cervo xa temos aprobada a liquidación do presuposto do exercicio de 2015, documentación que presentamos en tempo, igual que xa fixemos no seu momento cos presupostos para este ano 2016, que foron aprobados antes de que comezase o ano no que estamos. E temos que salientar o bo camiño económico que estamos a levar no Concello de Cervo. Dígoo eu pero tamén o din as cifras, xa que, por unha parte, temos o remanente de tesourería para gastos xerais, que este ano é positivo en 1.970.000 euros e hai que salientar que o ano pasado tamén era positivo en 1.505.000 euros, polo que houbo un incremento neste apartado de 465.000 euros. Tamén temos outro punto, que é o resultado orzamentario axustado, onde tamén é positivo en 945.000 euros, cando o ano pasado era de 581.000 euros. E ademais a estabilidade orzamentaria tamén é positiva, neste caso en 752.000, cando o ano pasado era 668.000 euros”.
Alfonso Villares engade que “incluso podemos dar unha visión moito máis xeral á hora de ver realmente cal é o traballo económico que estamos a desenvolver nestes anos, porque se facemos unha valoración con respecto ao 2008 vemos que ese ano o remanente de tesourería para gastos xerais era negativo en 1.677.000 euros e agora é positivo en 1.970.000 euros, o resultado orzamentario era negativo en 648.000 euros e na actualidade é positivo en 945.000 euros e a estabilidade orzamentaria era negativa en 1.471.000 euros e neste ano é positiva en 752.000 euros”.
Ademais o alcalde de Cervo salienta: “eu creo que estamos facendo o mesmo que as familias nas nosas casas, que é ter as contas ao día; e polo tanto podemos pensar en retos maiores á hora de facer unha serie de obras e prestar servizos públicos no concello de Cervo, que é o que estamos facendo e así vamos seguir.”
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
