O Balonmán Galipizza Viveiro e Fisioterapia Baltar asinan un convenio de colaboración

Viveiro, 9 de marzo de 2016.- O Balonmán Galipizza Viveiro e Fisioterapia Baltar asinaron esta semana un convenio a través do que esta clínica viveirense se converte nun dos colaboradores do club da cidade do Landro. Grazas a este acordo, todos os deportistas da entidade deportiva poderán gozar de tarifas especiais e descontos nas sesións de fisioterapia que teñan que realizar debido aos problemas físicos derivados da actividade deportiva.

Fisioterapia Baltar abriu as súas portas en Viveiro (Lodeiro 18, baixo 2) a finais do pasado mes de xaneiro. Dirixida polo licenciado en Ciencias da Actividade Física e do Deporte (INEF) pola Universidade dá Coruña e graduado en Fisioterapia pola Universidade Europea de Madrid, Rubén Baltar, nas súas modernas instalacións ofrece todo tipo de servizos como punción seca, kinesiotape (cintas adhesivas elásticas) e especialidades en fisioterapia traumatológica, neurológica e deportiva. Así mesmo, na clínica de Lodeiro tamén se poden tratar trastornos temporomandibulares e dispón dun ximnasio no que oferta sesións de pilates terapéutico a grupos reducidos.

Na web da clínica (www.fisiobaltar.com) poden consultarse todos os servizos que ofrece e as distintas tarifas e bonos. Ten abertas as súas portas, de luns a venres, de 9:30 a 13:30 horas e das 4 ás 9 da tarde.