Os populares consultarán a próxima semana o libro de reclamacións ao que solicitaron acceso e tamén pedirán acceso ao propio centro de maiores
Trabada, 3 de maio de 2025. O deputado provincial e portavoz do PP de Trabada, José María Fernández, subliña que “levamos moito tempo advertindo das queixas dos familiares de usuarios da residencia de Trabada” que forma parte da rede de centros de atención a maiores da Deputación de Lugo. “E agora evidénciase que tiñamos razón”.
Os deputados do Grupo Provincial Popular teñen solicitado acceso ao libro de reclamacións que consultarán a próxima semana “despois de que fora posto a disposición este venres á última hora”.
Así mesmo, avanzan que “pediremos acceso á residencia para ver a realidade e falar coas traballadoras, usuarios e familiares, á vista de que a Deputación e o Concello levan meses mirando cara outro lado”.
Os populares inciden en “esixir transparencia na xestión” e “que se garanta o cumprimento do prego de condicións da licitación e do convenio colectivo das traballadoras”.
Á vista das últimas informacións públicas, “acredítase que o goberno provincial de PSOE e BNG mentiron no Pleno da Deputación. O deputado Pablo Rivera intentou tapar todo este martes ante as preguntas do PP”.
Fernández engade tamén que “dende fai moito tempo, vimos advertindo das queixas das familias dos usuarios tamén nos Plenos do Concello de Trabada; pero, lonxe de analizar a situación con detalle para estudar as melloras que foran necesarias, o alcalde acusábanos de mentir”.
O popular lembra que “os responsables da residencia son o Concello e a Deputación” e cre que “os responsables dos gobernos local e provincial, nun asunto coma este, deberían ser capaces de escoitar e atender as nosas reclamacións, que responden ás reclamacións dos usuarios e as súas familias, para mellorar a xestión do servizo por parte da empresa adxudicataria, porque é nefasta”.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
