Os senadores do PP lucense presentaron a iniciativa xunto a alcaldes e portavoces da Montaña, a comarca máis afectada e para a que “o Goberno de Sánchez non concreta investimentos” na súa resposta oficial ás preguntas dos populares
Navia de Suarna, 2 de maio de 2025. O PP lucense pedirá ao Goberno de Sánchez dende o Senado garantir o acceso a telefonía móbil e fibra óptica á totalidade da provincia de Lugo para superar a actual situación de sombra ou de apagón dixital que sofren moitos dos municipios rurais, maioritariamente os da zona da Montaña, ou incluso o acceso por autovía á capital.
Os senadores -José Manuel Barreiro, José Manuel Balseiro e Juan Serrano- presentaron esta iniciativa en Navia de Suarna acompañados de alcaldes e portavoces de municipios da provincia afectados por deficiencias na conectividade despois de que o Goberno de Sánchez evitara dar explicacións concretas na súa resposta oficial ás preguntas formuladas polos populares nin especificara investimento para a comarca da Montaña. Concretamente, esixían información sobre o investimento previsto por municipios, as áreas de cobertura e o prazo temporal previsto para a posta en marcha dos novos servizos.
Os populares sinalan que “é certo que se fixeron traballos importantes na provincia” para estender as comunicacións móbiles e de Internet; pero “o certo é que segue habendo zonas de sombra” en grandes áreas da provincia de Lugo, especialmente no rural”. É o caso de moitos lugares da zona da Montaña, pero tamén no caso da capital da provincia. Das cinco entradas á cidade de Lugo, só unha delas por autovía dispón de conectividade; as outras non ao 100% nin tampouco as parroquias do Concello.
Os representantes do PP cren que “as prestacións de telefonía móbil e 5G son imprescindibles para os labores do día a día”. A deficiencia no servizo reduce as posibilidades dos habitantes dos lugares en sombra de acceder a xestións individuais coa administración, cos servizos sanitarios ou financeiros, para as xestións empresariais de autónomos e pequenos negocios como poden ser os do ámbito turístico ou de venda online, para o teletraballo, o ensino e a formación a distancia ou mesmo para acceder a contidos de ocio en igualdade de condicións no rural que nas vilas e cidades.
Os senadores defenden que a conectividade é fundamental para o desenvolvemento económico e persoal e contribúe ao asentamento da poboación e na loita contra o reto demográfico. “Pero, aínda que o Goberno presuma de garantir o acceso ao 100% da poboación, a realidade é que grandes áreas do noso territorio vense privadas destes servizos”, engaden.
Tendo en conta que ministerios como o de Transición Ecológica y Reto Demográfico e o de Transformación Digital y Función Pública “xestionan inxentes cantidades de fondos europeos destinados á conectividade e, en particular, á extensión das redes no rural para abordar a loita contra a brecha dixital nas zonas rurais; a situación é especialmente paradoxal”.
O Grupo Popular tamén instará ao Goberno dende a Comisión de Transformación Dixital do Senado a garantir o despregamento das infraestruturas de telecomunicacións nos municipios que o precisen ofrecendo o apoio necesario para lograr que os beneficios destas infraestruturas cheguen a toda a poboación, avanzar no despregamento da fibra óptica por todo o territorio e avanzar no despregamento das redes de telefonía e de tecnoloxía 5G en todo o territorio, con especial atención ás zonas rurais.
SEN SERVIZOS NO RURAL
O portavoz popular en Navia de Suarna, Raúl Pérez, reclama sistemas de telecomunicacións para o municipio subliñando que “a fibra óptica é fundamental para negocios” como, por exemplo, os de tipo turístico.
Tamén lembra que “os veciños e veciñas de Castañedo levan máis de ano e medio sen poder ver a TVG porque o goberno local non arranxa o repetidor que é de competencia do Concello”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
