Segundo as informacións feitas públicas polo comité de empresa entorno a trinta cubas de aluminio quedaron inservibles tras oito horas sen luz, en pleno proceso de rearranque
Cervo, 1 de maio de 2025. Os senadores do Partido Popular por Lugo, José Manuel Balseiro, José Manuel Barreiro e Juan Carlos Serrano, veñen de rexistrar unha batería de iniciativas para saber se o Goberno de España ten previsto compensacións polo danos producidos polo apagón eléctrico en Alcoa.
A interrupción do subministro de enerxía –que no caso da Mariña prolongouse por 8 horas- deixou inservibles entorno a 30 cubas de aluminio segundo os datos que fixo público o comité de empresa, ademais doutros danos na factoría de alumina.
Os populares queren saber se Red Eléctrica-Redeia, operador e transportista único do sistema eléctrico español e empresa participada maioritariamente pola SEPI, isto é polo Goberno de España, e presidida por unha exministra socialista, ten intención de indemnizar a aquelas industrias que como Alcoa San Ciprián, víronse prexudicadas pola falta de electricidade ou se o Goberno de España habilitará axudas complementarias ás dos seguros.
Segundo o senador Balseiro esta situación supón un novo revés no proceso de reactivación da única fábrica de produción de aluminio primario que queda no noso país e agarda non comprometa os prazos e compromisos adquiridos para o rearranque, polo que urxe ao Goberno a asumir responsabilidades.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
