Burela, 8 de marzo de 2016.- O alcalde, Alfredo Llano, mantivo na mañá deste martes unha reunión coa mesa xeral de negociación do persoal laboral e funcionario do Concello. No encontro abordouse a realización dunha nova RPT (Relación de Postos de Traballo) e tamén se acordou a eliminación das taxas para aquelas persoas que se presentan ás probas de selección que convoca o Concello estando no paro e que non perciben prestación contributiva algunha.
O rexedor contou que “foi un debate acerca da elaboración e adecuación á normativa vixente da Relación de Postos de Traballo, por exemplo comprometémonos a algo que urxe facer no Concello de Burela como é unha valoración de postos de traballo, unha RPT. Como xa dixen na reunión, o que nos debe interesar a todos é ter unha idea clarísima de que tipos de postos de traballo queremos no Concello de Burela, dadas as súas características, coa dimensión, co traballo que hai aquí, coa cantidade de servizos que estamos ofrecendo aos nosos veciños. Vamos estruturar e facer unha arquitectura exacta dos postos de traballo que se necesitan para que este Concello funcione perfectamente. Unha vez que teñamos iso feito seguiremos avanzando no tema”.
Llano dixo que “hai dúas posibilidades de facer esta RPT: unha delas é a través da Deputación de Lugo, pola que xa estamos sendo asesorados día a día e xa fixeran algo disto hai anos, pero tamén vamos ver as posibilidades que hai con empresas que xa teñen moi experimentada esta labor de facer unha Relación de Postos de Traballo para diferentes Concellos”.
O alcalde subliñou que “o que si queremos deixar claro é que pretendemos que neste ano 2016 quede feita dunha forma definitiva, clara e concisa unha boa Relación de Postos de Traballo, sempre con vistas a unha mellor funcionalidade e que o Concello de Burela poida aportar o mellor dos seus servizos para os veciños; esa é a nosa intención”.
Na reunión desta mañá “outra cuestión que tratamos que considero importante é que no Concello existen dúas formas de contratar a traballadores: unha delas é a través do INEM, ao que solicitamos que nos envíen unha serie de persoas para ocupar un determinado posto; entón desta maneira aquí non pagan taxa ningunha para facer as probas selectivas; pero cando as prazas que se convocaban eran libres, ás que podían acudir xente que estivese traballando ou non, ou que estaban nun posto parecido e querían mellorar, entón cobrábase unha taxa. Agora, de acordo cos sindicatos na mesa de negociación, vamos eliminar o cobro desa taxa a aquelas persoas que demostren que están no paro sen cobrar ningunha prestación contributiva. É dicir, que aquelas persoas que estean no paro e queiran participar nun proceso de selección para un posto de traballo no Concello, sexa libre ou non, se están desempregadas sen percibir prestación contributiva poden facelo sen pagar esta taxa. Creo que é algo bo, dado que facilita que se poida darlles oportunidades igual que a todos a aquela xente que está no paro”.
Alfredo Llano engadiu que “despois estivemos falando doutras cuestións que iremos vendo a medida que vaiamos avanzando na mesa de negociación, na que hai moitos asuntos que tratar como por exemplo as peticións de vacacións e de días libres e outras cuestións que son importantes para o bo funcionamento do Concello e para a motivación laboral dos nosos traballadores. Foron 8 puntos os que tratamos hoxe e quedamos en seguir avanzando nestes temas na mesa de negociación cando creamos oportuno. Evidentemente vai ser algo frecuente, porque gusta a todos: tanto aos responsables dos sindicatos como aos do Concello”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
