Mondoñedo, 12de marzo de 2016.- O Centro Comarcal de Mondoñedo acolleu este sábado, ás 19:00 horas, a presentación do programa da Semana Santa 2016, organizada pola Venerable Orde Terceira, e coa que colabora o Concello de Mondoñedo ademais doutras entidades como Protección Civil, ACIAM, Viveiros Cabaleiros ou Autos Morán. Unha Semana Santa singular e moi antiga que dende o Concello queren poñer en valor e traballar para a súa declaración de Interese Turístico Galego.
Durante o acto de presentación tamén se inaugurou unha exposición de carteis e fotografías sobre a Semana Santa de Mondoñedo, organizada polo Concello. Distribuíuse en 21 paneis, a través dos que se mostran os carteis da Semana Santa ao longo dos últimos anos; fotografías antigas de procesións dende 1930 e 1940; imaxes coa participación de xente nas procesións e fotografías individualizadas a través das que se evidencia a beleza dos distintos pasos.
As procesións de Mondoñedo destacan, sobre todo, pola súa antigüidade, con pezas como unha Cruz do século XII e mesmo tallas do século XVII e XVIII. Ademais, caracterízanse por seren procesións moi participativas e recollidas, a diferenza doutras celebracións nas que son numerosos os asistentes que se acercan a velas pero menor o número de persoas que forman parte da procesión. A Semana Santa de Mondoñedo ofrece outras singularidades de gran beleza como é a celebración do ViaCrucis cara o Mosteiro dos Picos.
Neste senso, a alcaldesa de Mondoñedo, ElenaCandia, destaca que dende o Concello “queremos poñela en valor “ e traballar no seu impulso coa súa declaración de Interese Turístico Galego.
Programa
A Venerable Orde Terceira presentou o programa que comezará o sábado 19 de marzo, coa lectura do pregón, ás 21:00 horas, na Casa da Xuventude e que pronunciará o M. Il. Sr. D. José María Díaz Fernández, deán emérito da Catedral de Santiago. Celebrarase ademais un concerto do Orfeón Mestre Pacheco.
En canto aos actos litúrxicos:
O Domingo de Ramos, ás 11:30 horas iniciarase a procesión na Igrexa de Santiago ata a Catedral, onde se celebrará a Misa da Pasión do Señor e a Bendición de Ramos. As 19:30 é a Procesión do Ecce Homo, que sae da Igrexa da Venerable Orde Terceira, coa participación de imaxes portadas por nenos que saen do Convento da Inmaculada Concepción.
O Martes Santo, a Misa Crismal (Día do Sacerdocio e da bendición dos Santos Óleos), será ás 12:00 horas, na Catedral, e presidida polo Excmo. Sr. D. Alfonso Carrasco Rouco, Obispo de Lugo.
O Mércores Santo, ás 19:00 horas, celebrase o ViaCrucis cara o Mosteiro dos Picos.
O Xoves Santo, ás 17:00 horas, misa da Cena do Señor na Catedral, e ás 21:00 horas, é a Procesión do Prendimiento. Os pasos desta procesión saen da Igrexa dos Muíños ata a Igrexa da Orde Terceira. Ás 23:00 horas é o acto de Adoración Eucarística.
O Venres Santo, ás 10:30 horas, é a procesión do Santo Encontro, que sae da Igrexa da Orde Terceira e celébrase na zona da Fonte Vella, con tallas do século XVII e XVIII. Ás 12:00 horas, ViaCrucis no claustro da Catedral. As 17:00 horas, misa da Celebración da Pasión do Señor, presidida por D. Antonio Rodríguez Basanta, Administrador Diocesano. Ás 18:00 horas, celebrase a Procesión do Santo Enterro, procesión dos homes, que sae da Catedral, e na que participan a urna co Cristo Yacente ou a Cruz do S. XII, mentres que ás 21:00 horas, é a Procesión da Soedade, que tamén sae da Catedral, na que soamente participan mulleres, e durante a cal se pode escoitar o Plorans do Mestre Pacheco, que soamente se pode executar en Mondoñedo e na Capela Real de Madrid.
O Sábado Santo, ás 23:00 horas, é a Vixilia Pascual coa bendición do fogo e procesión co Cirio Pascual na Catedral, ademais do canto do Pregón Pascual, Bendición da Auga e celebración da Eucaristía.
O Domingo de Pascua, ás 12:00 horas, é a misa de Resurrección na Catedral.
Manuel Araújo
Por outra banda, ás 20:00 horas, no Auditorio Pascual Veiga, dará comezo a homenaxe ao músico Manuel Araújo, polo 25 aniversario do seu pasamento.
O programa inclúe unha exposición fotográfica sobre Manuel Araújo, co material cedido por Toño da Tasca e o cronista oficial de Mondoñedo, Antón Reigosa, fará unha breve reseña bibliográfica do músico mindoniense.
Os asistentes tamén poderán desfrutar dun recital de poesías da man de Belén Ramos e ArcadioMon, dun concerto musical coa participación de Silvia Campos, ArcadioMon, Sito Sedes e José Manuel ‘Malelo’ e da representación teatral dunha obra escrita polo mindoniense e interpretada por Paco Piñeiro e María Paz Rodríguez. O Concello faralleentrega á familia de Araújo dunha placa conmemorativa.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).