Santiago, 8 de marzo de 2016.- O Parlamento galego aprobou na tarde deste martes a iniciativa impulsada polo Grupo Popular na que se insta á Xunta a afianzar as liñas de investigación científica dirixidas a obter semente de bivalvos máis resistentes (ameixas, berberechos ou mexillóns, entre outras especies), menos vulnerables a pragas, parasitos e predadores.
O voceiro do Mar do Grupo Popular, Jose Manuel Balseiro, explicou que “non se trata de ningún experimento estrafalario senón en afondar nunha liña de investigación científica que busca a mellora xenética da semente producida, a través da selección natural daqueles individuos máis resistentes, de tal xeito que os profesionais dispoñan de produto en calidade e cantidade suficiente para facer o seu aproveitamento”.
4.000 familias galegas
En Galicia moitos destes esforzos científicos están a desenvolverse por organismos dependentes da Consellería do Mar, como o Centro de Investigacións Mariñas (CIMA) ou o Instituto Galego de Formación en Acuicultura (IGAFA)
Balseiro lembrou que “o marisqueo ten unha gran importancia en Galicia, tanto desde o punto de vista social como económico, e constitúe unha actividade laboral a salientar en centos de vilas e pobos da nosa costa”. Deste xeito, concretou que desta actividade dependen os ingresos de preto de 4.000 persoas, na súa maioría mulleres cando se trata do marisque a pé e, pola contra, o marisqueo á flote esta desempeñado fundamentalmente por homes.
Cotización dos mariñeiros en buques franceses
Por outra banda, Jose Manuel Balseiro formulou unha pregunta á secretaria xeral técnica da Consellería do Mar, Isabel Concheiro, interesándose sobre a situación na que se atopan as negociacións coas autoridades francesas para pactar a cotización dos armadores e tripulantes dos barcos galegos abandeirados en Francia
Desde a Xunta confirmaron que o ISM está redactando neste momento un convenio bilateral que subscribirá o Estado español e o francés, e que terá por obxecto manter o statu quo actual, é dicir, que aqueles que veñen cotizando en España poidan seguir facéndoo.
Balseiro insistiu na necesidade de que a Xunta manteña a súa posición activa en orde a acadar a sinatura deste convenio e facilite un fluxo de información permanente cos armadores e tripulantes, tal e como se vén facendo, para defender os intereses dos mariñeiros galegos.
Balseiro sostivo que a Consellería do Mar “nunca estivo de mans cruzadas na defensa dos intereses dos mariñeiros galegos e ata tal punto foi así que si Xunta e Goberno central non tiveran intervido a situación sería moi distinta e estaríamos falando de que, superado o mes de xaneiro, hoxe serían firmes moitas sancións potenciais sancións aos 530 mariñeiros implicados”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
