CON PÓLVORA E MAGNOLIAS. Semana transcendental para os intereses cidadáns na que asistimos coa máxima atención por parte dos mass media a unha sesión de investidura na que, paradoxalmente, non se vai investir a ningúen; tampouco debera de chamar a atención esta circunstancia cando a lóxica da aritmética tronza calquera tipo de lóxica material.
Asemella que no mundo da política tamén rexen as leis da física, “No nos representan” foi unha das consignas dos indignados; así, na pulsión constante entre democracia representativa e directa sempre existiu un risco evidente de repelencia, auga e aceite non se poden disolver facendo mixtura homoxénea.
E como perfecto contrapunto do coñecemento técnico xorde a filosofía representada en Diderot, referente do pensamento enciclopedista, postulaba a desconfianza dos sentidos; establecía este axioma despois de ver o horizonte plano do redondo planeta terra.
Nesta mesma semana, así, polo baixo, paseniño, coma todas aquelas loitas anónimas que determinan os dereitos de mañá, o Banco Popular capitula declarando de oficio a inaplicación de 10.000 cláusulas solo insertas nos seus préstamos hipotecarios; nestas mesmas datas Europa, representada no seu Tribunal de Xustiza, fixa como referencia o 25 de abril para resolver con respecto á cuestión da retroactividade. Non parece éste un tema menor no oitavo país da OCDE en canto a propietarios de vivenda, no que se estima que 3,5 millóns de hipotecas inclúen cláusulas limitativas da baixada do tipo de interese, “cláusulas solo”.
Sexa ésta a miña pequena homenaxe á filosofía: desconfía dos sentidos, as loitas imprescindibles estanse a librar fora das luces e dos taquígrafos.
Pablo Álvarez Ramos
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
