Xove, 27 de abril de 2016. Este venres, 29 de abril, da comezo en Xove a Festa das Flores que organiza a Aciam. O amplo programa de actividades que se desenvolverán durante os dous días de festa arrinca co pregón de Roberto Vilar e seguirá con verbenas, mercado, xantar popular, música, teatro e interesantes sorteos.
O programa da Festa das Flores dará comezo o venres, día 29, en Chao da Aldea co pregón que pronunciará o presentador e actor xovense Roberto Vilar, a partir das 20.30 horas. Haberá o Venres de tapeo nos locais hostaleiros, que estará dedicado á Festa das Flores. Ás doce da noite terá lugar o sorteo presencial do tapeo do mes de abril, que presentará tamén Roberto Vilar e a continuación concerto de Joni Ramos, presentando o novo espectáculo The show must go on. A primeira xornada deste evento festivo rematará coa verbena amenizada por Cronos Band, de Xove.
En Chao da Aldea o sábado ás 11:00 da mañá abrirá as súas portas o Mercado da Festa das Flores. Ás 12.30 horas terán lugar as ofrendas tradicionais á Virxe María, seguidas de misa á unha do mediodía e de procesión. Para as 14:30 horas está prevista a sesión vermú, que amenizará Cronos Band e na que intervirán os gaiteiros de Saíñas. A xornada de festa continuará co xantar popular ás 15:00 horas, co teatro a cargo do grupo da ACD Xove ás 17.30 horas e con xogos tradicionais entre as seis e as oito da tarde a cargo de Magüeta Animación. Xa pola noite a partir das dez actuación musical de Vatican Crowes e verbena amenizada por Cronos Band e ás doce sorteo presencial da Aciam de Xove, dunha cesta con diversidade de produtos e valorada en 1.500 euros. “Para participar no sorteo o único que hai que facer é adquirir rifas nos nosos establecementos asociados”, indican desde a Aciam.
Como actividades paralelas explican desde a directiva da asociación “teremos un photocall para que os asistentes á Festa das Flores sexan os protagonistas e garden un bo recordo desta cita. E ademais entre o pasado 25 de abril ao 1 de maio poderase ver na sala de exposicións do Centro Cívico a mostra sobre Os maios”.
Desde a directiva da Asociación de Comerciantes de Xove lembran que “xa levan varios días á venda os tíckets para participar no xantar popular da Festa das Flores. Si se adquiren anticipadamente custarán 6 euros e si se mercan o propio día da comida o prezo será de 8 de euros”. E engaden que “todas as persoas que o desexen poden atopar información detallada na nosa páxina de facebook Aciam Xove”.
Land Rober
Varios membros da Aciam de Xove acudirán este mércores ao programa da Televisión de Galicia Land Rober, que presenta o xovense Roberto Vilar, pregoeiro da Festa das Flores 2016. A Asociación de Comerciantes de Xove aproveitará esta visita para facer promoción desta cita e da localidade.
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
