O Vicepresidente da Deputación, Antonio Veiga Outeiro e a Deputada de Medio Ambiente do Grupo Provincial Socialista, Sonsoles López Izquierdo, presentaron este luns as propostas que o equipo de Goberno da Deputación presenta ao Pleno deste martes. Veiga Outeiro anunciou que presenta o Plan Provincial de Cooperación ás obras e servicios de competencia municipal para o que hai destinado unha partida de 4,481.983 euros, co que se cuadriplica a asignación para este Plan con respecto a anos anteriores. Os investimentos aos que vai destinado esta partida son “para servicios básicos e a rede viaria provincial”. A partida para obras de competencia municipal é de 3.681.983 euros e para a rede viaria provincial é de 800.000 euros. O Vicepresidente advertiu “que a oposición pedía duplicar este orzamentos, pero o compromiso deste equipo de Goberno é a de cuadriplicar esta cuantía con respecto ao outros ano”, insistiu.
Os Concellos que desexen concorrer a este Plan deben solicitar axudas para obras de competencia municipal, e teñen que figurar como obra de déficit, na enquisa de infraestruturas equipamentos locais que realiza a propia Deputación. A cantidade mínima que se destina a cada concello son 30.000 euros, dos cales a Deputación pon o 75% e o Concellos o 25%.
Veiga lembrou ademais que con estas cifras incrementase a porcentaxe que inviste a Deputación e denunciou que o Goberno do Estado “deixou de facer a aportación ás Deputacións para este Plan de Obras e Servizos. Rajoy deixou unha vez máis tirados aos Gobernos da provincia de Lugo que son os mais necesitados, debido a súa dispersión poboacional e o avellentamento”, remarcou.
Máis recursos para os Concellos
O Vicepresidente, presentou a moción do equipo de Goberno, na que demandan mais recursos para os Concellos galegos. Remarca que é necesaria unha reforma do actual modelo de financiamento local para que se recoñezan as nosas características e necesidades, proporcionar mais recursos aos concellos e que se transfira á Xunta a contía correspondente á PIE (Participación Ingresos do Estado), para favorecer un reparto destes fondos máis realista.
Veiga Outeiro reclamou que se adopten os criterios de dispersión e avellentamento da poboación para o reparto da Participación nos Ingresos do Estado (PIE) por tratarse de factores que repercuten de xeito determinante sobre o custo de servizos que prestan os Concellos galegos. Dende o organismo provincial solicitan transferir á Xunta de Galicia a contía correspondente á PIE para que sexa a administración galega a que realice o reparto deses fondos entre os concellos.
Esperar 6 meses por un Informe
Sonsoles López anunciou que o Goberno da Deputación presenta unha proposta para axilizar a tramitación administrativa de licenzas en Rede Natura 2000 e no ámbito de protección dos Camiños de Santiago.
López Izquierdo advertiu “que o tempo media de espera dos Informes do Comité do Camiño de Santiago é de seis meses no caso de obras menores, e os da Rede Natura 2000 a espera é de tres meses”. Por iso sinalou “que estas trabas administrativas poden poñer en perigo o despegue da economía local no relativo ao comercio relacionado co Camiño de Santiago, e mesmo a perdida de axudas económicas da propia administración”.
O Deputada socialista demandou axilidade na tramitación de obras menores nos Concellos, mediante unha orde que regule estas actuacións de escasa entidade construtiva co fin de que non precise autorización do Comité Asesor do Camiño de Santiago e reduzan, así os tempos de tramitación para o resto de expedientes.
O Goberno provincial da Deputación de Lugo solicita que a Consellería de Medio Ambiente regule determinadas intervencións sen impacto ambiental e acordes co Plan Director da Rede Natura 2000, de xeito que non precisen de autorización autonómica previa, permitindo así que axilice a tramitación do resto de expediente de obras maiores.
Ademais, demandan que se marque un prazo máximo para que calquera intervención sectorial no territorio, vía informe ou autorización para que se emitan nun prazo máximo transcorrido o cal se entendera concedido por silencio administrativo.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
