Lugo, 25 de abril de 2016- O subdelegado do Goberno en Lugo, Ramón Carballo, e a alcaldesa de Mondoñedo, Elena Candia, copresidiron este luns a reunión ordinaria da xunta local de seguridade na que, ademais de facer unha análise global da situación delincuencial no municipio, se abordou o plan de seguridade deseñado de cara á vindeira celebración da festa das Quendas, que terá lugar entre o 29 de abril e o 1 de maio.
Tal e como se acordou no encontro, os efectivos da Policía Local intensificarán os traballos de vixianza para evitar incidentes no transcurso deste cita festiva. A Garda Civil comprometeuse a traballar conxuntamente cos efectivos municipais para reforzar o dispositivo de seguridade. Así, os axentes manterán patrullas coordinadas para previr a comisión de posibles feitos delictivos, ante a congregación de xente, e tamén para garantir a seguridade nas estradas.
Os membros da xunta de seguridade acordaron ademais manter o traballo conxunto e coordinado dos corpos policiais no transcurso doutros festexos que se celebrarán nos vindeiros meses, como é o caso da Feira Medieval, ao igual que con motivo do acto de ordenación de monseñor Luis Ángel de las Heras como bispo de Mondoñedo-Ferrol, que se celebrará na localidade mindoniense o vindeiro 7 de maio.
EVOLUCIÓN DA DELINCUENCIA
Os membros da xunta de seguridade analizaron tamén esta mañá a situación da delincuencia en Mondoñedo. Así, e segundo os datos oficiais, a tasa de criminalidade do municipio sitúase nas 14,96 infraccións penais por cada mil habitantes, máis de seis puntos por debaixo da media provincial, e máis de 13 por debaixo da media galega.
Dos datos expostos no encontro despréndese tamén que a delincuencia rexistrou o ano pasado un lixeiro descenso con respecto ao 2014, manténdose os delitos contra o patrimonio como os máis denunciados, cunha media de 2,6 denuncias por delitos deste tipo ao mes. A esta tipoloxía delictiva séguenlle, en canto a número de denuncias presentadas no municipio, os delitos contra a seguridade colectiva (como son os delitos contra a seguridade vial ou contra a saúde pública) e os delitos contra as persoas.
A tendencia á baixa mantense no que vai deste ano. De feito, dende xaneiro a marzo denunciáronse ante a Garda Civil de Mondoñedo un total de 10 infraccións penais, o que supón unha baixada do 55,5% con respecto ao mesmo período do ano pasado, cando se denunciaran 18.
Os asistentes á reunión valoraron o elevado índice de eficacia acadado na resolución e esclarecemento dos delitos rexistrados neste concello e lembraron que, o ano pasado, a Garda Civil detivo a 10 persoas (8 pola súa presunta implicación en feitos constitutivos de delito e 2 por reclamación xudicial) e imputaron a outras 9.
CHARLAS PARA ESCOLARES
O subdelegado do Goberno informou na xuntanza desta mañá do traballo realizado en Mondoñedo ao amparo do Plan director para a convivencia e a mellora da seguridade escolar nos centros educativos e as súas contornas, deseñado pola Secretaría de Estado de Seguridade co fin de reforzar a educación, a prevención e a vixilancia nos centros escolares. E isto conséguese poñendo a disposición dos centros a asistencia técnica que precisen para axudar a previr e abordar os episodios graves que poidan ameazar a convivencia escolar, así como axudando a mellorar o coñecemento de alumnado, pais e profesores sobre os problemas de seguridade que afectan aos menores.
Ao longo do curso pasado, 2014-2015, impartíronse, no marco deste Plan director, 4 charlas en Mondoñedo, todas no IES San Rosendo, e nelas abordáronse os riscos de internet, o acoso escolar, a violencia de xénero e os perigos do alcohol e as drogas. No actual curso académico impartíronse 2 charlas, no CEIP Álvaro Cunqueiro, que xa tén solicitada outra máis, como tamén tén solicitadas outras 5 o IES San Rosendo.
No curso pasado, en toda a provincia beneficiáronse deste plan máis de 16.800 persoas de 127 centros de ensino. Neles, impartíronse 330 charlas e realizáronse 14 exhibicións de unidades policiais.
Na xunta de seguridade participaron, ademais do subdelegado do Goberno e a alcaldesa, representantes da Garda Civil, o Subsector de Tráfico, a Policía Autonómica e a Policía Local.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
