Lugo, 25 de abril de 2016.- A deputada lucense do PSdeG-PSOE, Margarita Pérez Herraiz e o senador Ricardo Varela acompañados de membros do SUP, presentaron este luns, en rolda de prensa unha proposición non de Lei no Congreso dos Deputados, para demandar que se incremente os efectivos na Comisaria Provincial de Lugo, ata alcanzar os 55, para poder fronte con eficacia ás demandas de seguridade existentes na cidade.
Os socialistas, anunciaron que rexistraron esta iniciativa, tras manter unha xuntanza de traballo co Sindicato Unificado de Policía (SUP), na que lle demandaban máis efectivos.
Advirten que a Dirección Xeral da Policía dotou a outras provincias con unidades para asumir novas cargas de traballo, pero denuncian que “Lugo é a única provincia de Galicia que non só non conta coa Unidade de Prevención e Reacción, senón que tampouco incrementou os seus efectivos”, o que conleva carencias efectivas na seguridade dos cidadáns.
Pérez Herraiz explica na proposta que coa entrada en vigor da instrución 8/2009 da Secretaria de Estado de Seguridade, sobre Conducións e Custodias de Internos de Centros Penitenciarios, asígnanse novas competencias ás comisarias na custodia de internos fora dos establecementos penintenciarios, pero sen incrementar os efectivos policiais, como é o caso da Comisaria de Lugo.
Sinala ademais que ata o ano 2011 a Comisaria de Lugo contaba cun reforzo anual de 40 funcionarios en labores de prácticas e aula aberta, pero advirten “que desde o 2011 non houbo máis reforzos”.
Subliña que no ano 2012 o Club Deportivo Lugo de fútbol subiu a segunda división e ao Club Baloncesto Breogán xoga na liga LEB. Polo tanto a Comisaria de Lugo fixo fronte á seguridade de máis de 250 eventos deportivos, e só ano 2015 fixo fronte a 250 concentracións e manifestacións.
A día de hoxe a Comisaria de Lugo conta con oito funcionarios por quenda de traballo para facer fronte ás demandas dos cidadáns, 40 efectivos distribuídos en 5 turnos de traballo.
Ricardo Varela anunciou que rexistrará esta proposta no Senado
Pola súa bando o senador Ricardo Varela anunciou que tamén rexistrará esta proposta no Senado, e criticou duramente as políticas do PP en materia de seguridade ciudadana.
Dixo que non era casual que no Goberno de Aznar os efectivos de seguridade reducíronse en máis de 7.000 efectivos, e lembrou que co Goberno de Zapatero incrementáronse ata 17.000. “Con Rajoy como Presidente do Goberno volveuse a reducir os efectivos de seguridade pública , aumentado a contratación de seguridade privada, que sempre beneficia a empresas afíns ao PP”, remarcou. Varela lembrou que presentaron esta proposta tras reunirse co SUP, como xa fixeron con outras organizacións de seguridade.
Po último dixo “podemos falar de educación, sanidade, infraestruturas, alta velocidade, ou en materia de seguridade, o PP sempre esta castigando a provincia de Lugo”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
