Lugo, 24 de abril de 2016.- A voceira do Grupo Provincial do Partido Popular, Elena Candia, considera “moi necesario” que a Deputación de Lugo acometa os labores de desbroce nas estradas da súa titularidade antes dos meses de verán. Así, os populares remitiron un rogo ao presidente da institución, o socialista Darío Campos, para que axilice os trámites e estes acometidos se realicen antes da época estival.
Candia explica que dende o Grupo do PP se procedeu ao rexistro deste escrito dado os antecedentes que imperan na administración provincial cos gobernos socialistas e nacionalistas. En pasadas anualidades, segundo lembra a popular, “comprobamos que se procedía á realización destes labores de xeito moi tardío, mesmo nalgúns concellos se acometeron estas actuacións no outono”.
A popular asegura que esta circunstancia pode chegar a derivar en consecuencias “moi negativas” dado a maior facilidade que ofrece a maleza á hora da propagación dos incendios forestais, ademais de que a falta de limpeza dos bordes das estradas tamén entrañan un considerable perigo para a circulación.
Dende o punto de vista turístico, Candia lamenta “a mala imaxe que proxectamos ante os visitantes” que observan o estado de abandono das estradas. Neste senso, ademais de demandar que os desbroces se leven a cabo antes do verán, os populares tamén lle piden ao presidente da institución que naquelas estradas localizadas en zonas de alto interese turístico, a Deputación de Lugo realice dúas quendas destes traballos.
Por último, a popular lembra que a través deste rogo se lle dá traslado á institución dunha demanda tanto dos veciños, como dos alcaldes e dos portavoces que “ano tras ano solicitan melloras nestas actuacións, ás que os gobernos bipartitos do PSOE e do BNG fan oídos xordos”.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
