Ribadeo, 27 de abril de 2016. A décimo primeira edición do Ribadeo de tapeo, que organiza o Concello, terá lugar do 21 ao 29 de maio. Serán medio cento de establecementos hostaleiros os que ofrezan as súas creacións durante eses días, segundo deu a coñecer esta mañá a concelleira de Desenvolvemento Local, Turismo e Comercio, Ana Martínez. Unha das novidades deste 2016 serán os Cantos de Taberna e outra a elaboración da tapa do mercado, que se poderá degustar de balde na praza de abastos os dous sábados do Ribadeo de tapeo.
A edil nacionalista dixo que “Ribadeo de Tapeo, un evento organizado polo Concello de Ribadeo, cumpre xa 11 anos de vida. É un dos concursos máis antigos de Galicia e ano tras ano ven colleitando cada vez máis éxito tanto entre o público como entre os seus máximo protagonistas, que son os profesionais dos establecementos da hostalería ribadense”.
Martínez subliñou que “esta cita é un dos nosos mellores escaparates gastronómicos que este ano se celebrará entre os días 21 e 29 de maio. É un espazo onde compartir novas ideas e propostas desta cociña en miniatura, un espazo onde fomentar a nosa cultura da tapa, tan típica de Ribadeo”.
A concelleira de Desenvolvemento Local, Turismo e Comercio indicou que “nós como organización queremos buscar a excelencia do sector, así como apoiar o consumo local, o traballo en rede e a sinerxia entre todos os profesionais do sector. Polo que este ano ademais das tapas da hostalaría intégrase a tapa do mercado, elaborada cos produtos dos praceiros/as que nos permitirá degustar de balde o valor do local durante os dous sábados do Ribadeo de Tapeo, na praza de Abastos”.
Ana Martínez manifestou que “esta edición, que dará comezo o día 21 de maio e rematará o 29 de maio, conta con 48 participantes da hostalería local que nos presentarán a súas diferentes propostas e que de seguro serán moi atractivas e apetitosas. A dinámica do concurso ven sendo máis ou menos semellante ás edicións anteriores, e como novidade engadimos unha actividade para nós especial, levamos varios anos tanteando cómo introducila e cremos que o Ribadeo de tapeo pode ser un bo momento para iniciar a primeira edición dos Cantos de Taberna. Con eles pretendemos recuperar a tradición ribadense de xuntarse para cantar nos bares ao carón dos amigos e das amigas”.
A concelleira ribadense contou que “para participar nos cantos será preciso unha inscrición previa, que estará aberta a partir do 6 de maio. A inscrición se poderá facer ben na oficina de turismo ou na oficina do ADL. Os grupos deberán estar conformados por un mínimo de 5 persoas e un máximo de 10. Os/as interesad@s en participar deberán contar no seu repertorio cunha canción popular de arraigo Ribadense. Cada grupo disporá dun pasaporte que irá selando en cada establecemento e que será o pase a unha cea de balde para todos e todas participantes de forma conxunta, que se celebrará a fin de semana seguinte do Ribadeo de tapeo”.
Ana Martínez engadiu que “como nos anos anteriores contaremos coa aplicación móbil Ribadeo Gastrómico e ademáis integraremos noutra aplicación das principais concursos de Galicia” e tivo palabras de agradecemento para todos os que participan nesta cita: “quero aproveitar para agradecer á hostalería de Ribadeo pola súa participación no concurso, porque sen eles sería imposible facer tal evento, así como os agasallos que doarán para os premios que se repartirán entre o publico premiado. Non me queda máis que convidar a participar deste Ribadeo de Tapeo a todo mundo, e en especial a veciñanza da mariña e de occidente Asturiano. E sen máis larpeiros/as do mundo, unídevos e vinde cantar e comer a Ribadeo”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
