O Burela Pescados Rubén mantén a súa serie racha triunfal tras vencer ao Ourense Enviália por 4-1 nunha gran segunda parte das burelistas comandadas por Peque. Co seu hat trick e liderado Peque marcou o camiño dunha remontada que permite ao conxunto de Lucas chegar á próxima xornada co obxectivo de asaltar o liderato na pista do Atlético Féminas Navalcarnero.
O derbi galego disputado en Vista Alegre comezou cun ritmo lento que beneficaba á escuadra visitante. O Ourense pechaba ben os espazos ante un Burela que controlaba a posesión pero sen atopar camiños na férrea defensa plantexada polas ourensanas. Co paso dos minutos a intensidade foi aumentando e o primeiro aviso serio chegou cun disparo de Peque que se marchou desviado por pouco, minuto 13. Instantes despois chegou a resposta ourensana pero Sara Moreno non logrou conectar un remate franco na frontal do área. Si acertou a xogadora ourensana no minuto 16 adiantando ao seu equipo ao marcar de falta directa. O 0-1 reforzou a moral visitante que mantivo o guión dun partido que se xogaba ao que prefería o Ourense Enviália. A 30 segundos do intermedio un barullo no área visitante a piques estivo de supoñer o empate local pero ao descanso chegouse co 0-1.
Na segunda parte a dinámica do choque variou sensiblemente. O Burela Pescados Rubén cambiou de marcha e invitou ao Ourense a xogar un partido máis aberto. No minuto 22, Peque empatou o partido (1-1) tras unha gran combinación con Maite. O inicio da remontada laranxa estaba en marcha cun Vista Alegre animado que empuxaba ao seu equipo cara á vitoria. O Burela Pescados Rubén mantivo a súa aposta por incrementar o ritmo dun partido que nada tiña que ver co visto no primeiro periodo e nesta dinámica as burelistas desenvolvíanse mellor. De novo apareceu a figura de Peque para remontar o marcador (2-1), minuto 28. O Ourense parecía quedar noqueado e o Burela aproveitou o seu momento; primeiro cunha xogada de Bea Mateos que a punto estivo de acabar en gol, o segundo envite foi de Claudia que Vane parou con seguridade e á terceira chegou a vencida. Bea Mateos marcou o 3-1 tras unha asistencia de Peque, minuto 36, e Vista Alegre celebrou o tanto con xúbilo. Acto seguido o Ourense apostou por xogar con porteira xogadora para intentar recortar distancias e inquietar a meta defendida por Jozi que entrou no inicio da segunda parte, reaparecendo trala súa lesión. O xogo de cinco ourensán non inquietou a un Burela Pescados Rubén seguro que rematou a faena co 4-1 conseguido por Peque desde o punto de penalti, minuto 38. A pena máxima foi cometida sobre Maite e Peque asinou un hat trick. En definitiva, merecida vitoria burelista que chegará a La Estación cunha racha imperial de trece triunfos consecutivos para asaltar o liderato.
Ficha técnica
CD Burela FS Pescados Rubén: Andrea, Bea Mateos, Peque, Maite, Dany –cinco inicial- Claudia, Gaby, Ceci, Jozi.
Ourense Enviália: Vane, Chiqui, Bea Seijas, Sara Moreno, Andrea Carid –cinco inicial- Anita, Rosángela, Laura, Marta, Peke.
Goles: 0-1, m.16, Sara Moreno; 1-1, m.22, Peque; 3-1, m.36, Bea Mateos; 4-1, m.38, Peque (penalti).
Árbitros: Presedo García, Vilas Martínez. Cartón amarelo a Anita e Andrea Carid do Ourense Enviália.
Incidencias: Partido correspondente á 25ª xornada da Primeira División RFEF disputado no pavillón Vista Alegre de Burela. 600 espectadores.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
