A Deputación celebrou este venres dúas mesas sectoriais para definir novas accións formativas do LUGOWORK, o primeiro plan de emprego xuvenil participativo da provincia. Está dotado de 2 millóns de euros, que o organismo provincial foi capaz de captar da Unión Europea a través da Escola de Organización Industrial para ofrecer a mozos lucenses no paro formación sobre os nichos de emprego, definidos polos sectores produtivos da provincia, de cara a súa inserción laboral por conta allea ou fomentando o emprendemento.
Deste xeito, o Deputado de Participación Cidadá e Transparencia, Pablo Rivera Capón, mantivo sendos encontros coa Asociación de Mulleres Empresarias da Provincia de Lugo e coa Asociación Provincial de Reparación e Venda de Automóbiles e Recambios (APREVAR).
Rivera Capón avanzou que a Asociación de Mulleres Empresarias da Provincia de Lugo considera necesario que os profesionais do sector empresarial adquiran maiores habilidades comerciais, polo que propuxeron accións formativos neste senso, nas que tamén se lles ofreza técnicas sobre a atención ao público e a captación de novos clientes e mercados. Este colectivo insistiu na necesidade de acadar profesionais cun bo manexo e coñecemento das novas tecnoloxías.
APREVAR puxo de manifesto a necesidade acadar profesionais cun amplo coñecemento sobre o comercio multisectorial, é dicir, tanto automobilístico como de maquinaria agrícola. Demandaron cursos sobre os avances que se están a realizar nas empresas punteiras de fabricantes de pezas para vehículos.
Calendario
A Deputación xa mantivo encontros con representantes da Asociación Provincial de Empresarios de Hostalería de Lugo, coa Asociación Provincial de Empresarios da Construción (APEC) e coa Fundación Laboral da Construción. Tras os encontros de hoxe coas Mulleres Empresarias da Provincia e APREVAR, as seguintes mesas sectoriais serán: o luns día 9 de maio, coa Asociación de Jóvenes Empresarios (AJE); o martes día 10 de maio, coa Asociación Galega de Empresas de Tecnoloxías de Información e Comunicación (AGESTIC); e o xoves día 12 de maio, coa Asociación de Transformación da Madeira.
LUGOWORK
LUGOWORK ofrecerá formación gratuíta a un mínimo de 300 desempregados lucenses de entre 18 a 30 anos para a súa inserción laboral en empresas da provincia, que recibirán axudas de ata 4.200 euros para os custos salariais e da seguridade social dos novos traballadores; ou por conta allea, opción que fomenta o emprendemento e na que os mozos contarán con ata 3.000 euros para abrir os seus propios negocios.
Durante o mes de maio, a Deputación celebrará mesas sectoriais e manterá encontros con profesionais de todos os sectores para avaliar os nichos de emprego na provincia e deseñar as accións formativas. Por iso Pablo Rivera emprazou ao tecido asociativo e a todos os empresarios que queiran participar “xa que poden facelo a través de Internet, pois na web provincial, www.deputacionlugo.gal, hai publicado un formulario para trasladar á institución as súas necesidades ou facer chegar as súas propostas formativas”. En xuño, Deputación e EOI presentarán a programación das accións formativas do LUGOWORK.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
