25 de maio de 2016.- O Presidente, Darío Campos Conde, a Alcaldesa de Viveiro, María Loureiro, o Director de La Vuelta Ciclista a España 2016, Javier Guillén, e a Delegada da Xunta en Lugo, Raquel Arias, presentaron este mércores a 5ª etapa desta proba deportiva que ten como saída o concello viveirés. O 24 de agosto terá lugar a saída neutralizada ás 13:10 horas dende o camping de Viveiro e continuará por Xove, Cervo, Burela, Foz, Barreiros, Ribadeo, Trabada, A Pontenova, Riotorto, Meira, Pol, Castro de Rei e Lugo.
Campos Conde sinalou que o organismo provincial colabora neste evento deportivo cunha aportación económica de 55.000 euros e remarcou “que esta cifra é un investimento para promocionar o conxunto da provincia, pois a Vuelta transcorre as zonas norte, centro e sur da provincia”. Ademais de ditos Concellos, outra das etapas sairá da cidade de Lugo e chegará ata Monforte de Lemos, atravesando máis municipios da provincia
O Presidente dixo que a volta ciclista España “será un escaparate único e especial, asi como unha oportunidade económica para toda a provincia de Lugo, coa que amosar as nosas paisaxes, o noso patrimonio cultural, arqueolóxico e artístico ou co que desfrutar da nosa apreciada gastronomía”. Remarcou que esta cita move a máis de 20.000 espectadores de media por etapa e congrega a máis de 1.400 xornalistas de lugares como Alemaña, Arxentina, Australia, Bélxica, Brasil, Camerún, Canadá, Colombia ou Costa Rica, entre moitos outros.
A volta, que celebra a súa 71 edición, atravesará de norte a sur a provincia lucense o 24 e 25 de agosto. Concretamente, o día 24 comezará a etapa número 5 no Concello de Viveiro e finalizará na cidade de Lugo. Posteriormente, o 25 arrancará de Monforte de Lemos a 6 etapa, que rematará en Luíntra e que atravesará a Ribeira Sacra.
Oportunidade mediática excepcional
Pola súa banda, a Alcaldesa de Viveiro, María Loureiro, agradeceu á organización do evento o interese e o esforzo por facer posible a celebración desta etapa ciclista na vila. Lembrou ademais que “non só se benfeciará Viveiro, senón toda a Comarca da Mariña, xa que a publicidade que xera este evento deportivo é mundial”. Ademais, remarcou o revulsivo económico que vai supor na Mariña, “xa que, segundo os propios datos da organización, teñen previsto que se movan arredor de 140.000 euros en gastos como hoteis, transportes, gasolinas ou consumos propios”.
Loureiro dixo que Viveiro estará preparada para recibir esta cita deportiva tan importante “que espera ilusiónante e con moitas expectativas para a economía local”. Sinalou que esta será unha oportunidade mediática excepcional para prromocionar Viveiro.
Javier Guillen, Director de la Vuelta España 2016, señalou que a saída da etapa “se convierte en una auténtica fiesta del ciclismo, donde los espectadores pueden interrelacionarse con los deportistas. Es un verdadero espectáculo y una oportunidad única para disfrutar del ciclismo en vivo y en directo”. Explicou que disputarán a proba 22 equipos, cos mellores ciclistas da tempada.
5ª etapa cualificada como llana , conta cun percorrido de 170 km
A 5ª etapa desta volta, con saída no centro de Viveiro, é cualificada pola organización como unha etapa “llana”. Conta cun percorrido de 170 km e percorrerá lugares emblemáticos da Mariña. Cabe lembrar que a cidade do Landro xa acolleu unha etapa desta proba ciclista, no ano 2007. Naquela edición, realizouse o percorrido de Viveiro a Luarca, o 3 de setembro.
Repercusión nas redes sociais
Dende a organización da Volta Ciclista España sinalan que a repercusión online do evento é indiscutible, xa que a páxina web oficial da Volta ten 3,7 millóns de visitantes únicos de todas as partes do mundo e conta tamén con máis de 165.000 seguidores en Facebook e 175.000 en Twitter, cifras que aumentan mes a mes, o que garante unha ampla difusión do evento e, polo tanto, de toda a provincia de Lugo.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
