Lugo, 30 de maio de 2016.- O Presidente da Deputación, Darío Campos Conde, e o Presidente da Asociación Provincial de Empresarios da Construción, Hipólito Trinidad, xunto ao Deputado de Promoción Económica e Social, Álvaro Santos Ramos, aos técnicos da APEC Fernando García Novo e Jesús Bargados, e ao profesor da USC Juan Piñeiro, presentaron este luns o primeiro estudo sobre o parque de vivendas da provincia de Lugo. Trátase dun pioneiro proxecto que se elaborou no marco do programa Reacciona 2020 APEC, que executa dito colectivo e financia na súa totalidade o organismo provincial.
Campos Conde subliñou que “cando decidimos poñer en marcha este estudo, marcámonos dous claros obxectivos: primeiro, conseguir a primeira radiografía sobre a situación das vivendas que existen no conxunto da nosa provincia, que poremos a disposición de todos os Concellos e empresas. E, segundo, coñecer o impacto económico e laboral que suporía a mellora eficiente destas edificacións, cumprindo coa normativa europea 20/20/20. Cumprimos os nosos obxectivos. Detectamos que o 98% das edificacións que hai na provincia, exactamente 120.912, son susceptibles de melloras eficientes. De leváranse a cabo estas, nun prazo de 10 anos conseguiríamos un aforro total en combustibles superior aos 150.000 millóns de euros e a xeración duns 48.000 empregos. Polo tanto, acadaríamos vivendas sostibles, aforrando cartos, sendo eficientes e cumprindo cos obxectivos da UE; ao tempo que reactivaríamos o sector da construción a través da rehabilitación eficiente, xerando emprego e riqueza”.
Hipólito Trinidad agradeceu a Campos Conde o seu compromiso co sector da construción. “Este estudo ten que ser un punto de referencia para a construción de edificios con eficiencia enerxética na nosa provincia”, apuntou.
124.063 edificios analizados na provincia
Profesionais da APEC e da USC detectaron que na provincia hai un total de 124.063 vivendas. O 98% destas, que son 120.912, son susceptibles de melloras eficientes, é dicir, con pouca inversión poderían rebaixar o consumo enerxético, aforrando custos. Concretamente, segundo os expertos, nun prazo de 10 anos, aforraríanse 151.304.885 euros en combustible. Serían 302.609 menos de litros de gasóleo e reduciríanse as toneladas de emisión de CO2 en 732.512 toneladas.
Datos de cada un dos edificios da provincia
Para realizar este traballo, empregouse un sistema de Información Xeográfico. Esta ferramenta permitiu acceder aos datos de cada un dos edificios da provincia. O obxectivo foi avaliar aquelas fincas catastrais que teñen uso de vivenda, sen ningún tipo de reforma, e que, principalmente, son anteriores ao ano 1980. Tamén se tiveron en conta aquelas vivendas que se construíron ou se reformaron entre 1980 e 2006, xa que unha actualización con melloras no illamento do edificio incidirían positivamente no peto e na calidade de vida dos usuarios. Para a recompilación de datos deste estudo, empregáronse técnicas de big data. Tamén se realizaron enquisas a empresas da construción da provincia para calcular a cantidade de traballadores, xornadas de traballo ou custe de operacións de rehabilitación enerxética. Este estudo conta con cifras individualizadas, xa que en colaboración coa USC, realizouse un modelo econométrico, no que se analiza o impacto destas medidas en empregos directos, así como outras variables como ratios de retorno ás administracións, empregos xerados, prazos de recuperación de inversión en función da rebaixa de consumos, e evolución do prezo da enerxía.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
